ପାଟନା (ଆମ ଟିଭି): ବିହାରରେ ଗତ କିଛି ଦିନ ହେବ ପ୍ରବଳ ବର୍ଷା ଲାଗି ରହିଛି। ରାଜ୍ୟର ଭିନ୍ନ ଭିନ୍ନ ଜିଲ୍ଲାରେ ବର୍ଷା ସାଙ୍ଗକୁ ବଜ୍ରପାତ ହେବାରୁ ୧୫ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି । ସବୁଠୁ ଅଧିକ ମୃତ୍ୟୁ ବିହାର ରୋହତାସ ଜିଲ୍ଲାରେ ହୋଇଛି । କେବଳ ରୋହତାସରେ ୫ଜଣଙ୍କ ମୃତ୍ୟୁ ହୋଇଛି ।
ରୋହତାସ ବ୍ୟତୀତ ଖଗଡିୟା, କଟିହାର, ଗୟା, ଜହାନାବାଦ, କୈମୁର, ବକ୍ସର ଏବଂ ଭାଗଲପୁରେ ମୋଟ ୧୦ଜଣଙ୍କ ମୃତ୍ୟୁ ହୋଇଛି । ମଙ୍ଗଳବାର ବଜ୍ରପାତରେ ୯ଜଣଙ୍କ ପ୍ରାଣ ଯାଇଥିବାବେଳେ ବୁଧବାର ସନ୍ଧ୍ୟା ସମୟରେ ୬ଜଣଙ୍କ ମୃତ୍ୟୁ ହୋଇଛି ।