ସେପ୍ଟେମ୍ବରରେ ଭାରତ ଆସିବେ ଆମେରିକା ରାଷ୍ଟ୍ରପତି
ୱାସିଂଟନ୍: ଜି-୨୦ ନେତାଙ୍କ ଶିଖର ସମ୍ମିଳନୀରେ ଯୋଗ ଦେବା ନିମନ୍ତେ ଆମେରିକାର ରାଷ୍ଟ୍ରପତି ଜୋ ବାଇଡେନ୍ ଆଗାମୀ ସେପ୍ଟେମ୍ବର ୭ରୁ ୧୦ ପର୍ଯ୍ୟନ୍ତ ଭାରତ ଗସ୍ତରେ ଆସିବେ ବୋଲି ହ୍ବାଇଟ୍ ହାଉସ୍ ଜାରି କରିଥିବା ‘ପ୍ରେସ୍ ରିଲିଜ୍’ରେ ଉଲ୍ଲେଖ ଅଛି।
ରାଷ୍ଟ୍ରପତି ବାଇଡେନ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜି-୨୦ ନେତୃତ୍ବକୁ ପ୍ରଶଂସା କରିବେ ବୋଲି ମଧ୍ୟ ଉକ୍ତ ‘ପ୍ରେସ୍ ରିଲିଜ୍’ରେ ଉଲ୍ଲେଖ ଅଛି।
ଏହାଛଡ଼ା, ରାଷ୍ଟ୍ରପତି ବାଇଡେନ୍ ଅକ୍ଷୟ ଶକ୍ତିର ପ୍ରସାର, ଜଳବାୟୁ ପରିବର୍ତ୍ତନ, ୟୁକ୍ରେନ୍ ଯୁଦ୍ଧର ପ୍ରଭାବ ଓ ବିଶ୍ବ ବ୍ୟାଙ୍କ୍ ସମେତ ବହୁପାକ୍ଷିକ ବ୍ୟାଙ୍କ୍ସମୂହର ସାମର୍ଥ୍ୟ ବୃଦ୍ଧି ଭଳି ବୈଶ୍ବିକ ସମସ୍ୟା ଉପରେ ଆଲୋଚନା କରିବେ।
ହ୍ବାଇଟ୍ ହାଉସ୍ ପକ୍ଷରୁ ଜାରି ପ୍ରେସ୍ ରିଲିଜ୍ରେ କୁହାଯାଇଛି: ରାଷ୍ଟପତି ବାଇଡେନ୍ ଓ ଜି-୨୦ର ସଦସ୍ୟମାନେ ଅକ୍ଷୟ ଶକ୍ତିର ପ୍ରସାର ଓ ଜଳବାୟୁ ପରିବର୍ତ୍ତନର ମୁକାବିଲା, ୟୁକ୍ରେନ୍ରେ ପୁଟିନ୍ଙ୍କ ଯୁଦ୍ଧଜନିତ ଆର୍ଥିକ ଓ ସାମାଜିକ କୁପ୍ରଭାବ ହ୍ରାସ, ଏବଂ ଦାରିଦ୍ର୍ୟ ବିରୋଧରେ ସଂଗ୍ରାମ ପାଇଁ ବିଶ୍ବ ବ୍ୟାଙ୍କ୍ ସମେତ ବହୁପାକ୍ଷିକ ବ୍ୟାଙ୍କ୍ସମୂହର ସାମର୍ଥ୍ୟ ବୃଦ୍ଧି ଭଳି ବୈଶ୍ବିକ ସମସ୍ୟା ଉପରେ ଆଲୋଚନା କରିବେ।