ନୂଆଦିଲ୍ଲୀ(ଆମ ଟିଭି): ସମଲିଙ୍ଗୀ ବିବାହ ପ୍ରସଙ୍ଗକୁ ନେଇ ସୁପ୍ରିମକୋର୍ଟଙ୍କ ବଡ଼ ରାୟ । ସମଲିଙ୍ଗୀ ବିବାହକୁ ମାନ୍ୟତା ଦେବା ପାଇଁ ମନା କରିଦେଇଛନ୍ତି ସୁପ୍ରିମକୋର୍ଟ । କୋର୍ଟ କହିଛନ୍ତି ଯେ, ଏହା ହେଉଛି ସମ୍ବିଧାନର ଅଧିକାର । ସୁପ୍ରିମକୋର୍ଟର ସମ୍ବିଧାନ ବେଞ୍ଚ ୩-୨ରେ ଏହି ନିଷ୍ପତ୍ତି ଶୁଣାଇଛନ୍ତି ।
ଏହି ମାମଲା ଶୁଣାଣି କରି ସୁପ୍ରିମକୋର୍ଟର ମୁଖ୍ୟ ବିଚାରପତି ଡି. ୱାଇ. ଚନ୍ଦ୍ରଚୂଡ କହିଛନ୍ତି ଯେ, ସୁପ୍ରିମକୋର୍ଟ ସ୍ୱତନ୍ତ୍ର ବିବାହ ଆଇନର ଧାରାକୁ ବାତିଲ କରିପାରିବେ ନାହିଁ । ସେ କହିଛନ୍ତି ଯେ ତାଙ୍କ ମତରେ ସମଲିଙ୍ଗୀ ବିବାହକୁ ସ୍ୱୀକୃତି ଦେବେ କି ନାହିଁ ସଂସଦ ନିଷ୍ପତ୍ତି ନେବା ଉଚିତ୍। ସମଲିଙ୍ଗୀ ସମ୍ପ୍ରଦାୟ ପ୍ରତି ଭେଦଭାବ ବନ୍ଦ କରିବାକୁ ସେ କେନ୍ଦ୍ର ଏବଂ ପୋଲିସ ବାହିନୀକୁ ମଧ୍ୟ ଅନେକ ନିର୍ଦ୍ଦେଶନାମା ଜାରି କରିଛନ୍ତି।