ହ୍ୱାଇଟ୍ ହାଉସ ସୁରକ୍ଷାରେ ତ୍ରୁଟି

ନୂଆଦିଲ୍ଲୀ(ଆମ ଟିଭି): ହ୍ୱାଇଟ୍ ହାଉସରୁ ଏକ ବଡ଼ ଖବର ଆସୁଛି । ହ୍ୱାଇଟ୍ ହାଉସ୍ ସୁରକ୍ଷାରେ ତ୍ରୁଟି । ହ୍ୱାଇଟ୍ ହାଉସ୍ କମ୍ଲେକ୍ସର ଗେଟକୁ ଧକ୍କା ଦେଲା କାର । ଗେଟକୁ ଧକ୍କା ଦେଇଥିବା ଗାଡିର ଡ୍ରାଇଭରଙ୍କୁ ଗିରଫ କରାଯାଇଛି । ଏହା ସହ ଘଟଣାର ତଦନ୍ତ ଆରମ୍ଭ ହୋଇଛି । ସୋମବାର ସନ୍ଧ୍ୟା ୬ଟା ସମୟରେ ଏହି ଘଟଣା ଘଟିଥିବା ଜଣାପଡ଼ିଛି । ଏହି ସମୟରେ ଆମେରିକା ରାଷ୍ଟ୍ରପତି ହ୍ୱାଇଟ୍ ହାଉସ୍ରେ ନଥିଲେ ।

ହ୍ୱାଇଟ୍ ହାଉସକୁ ବିଶ୍ୱର ସବୁଠୁ ସୁରକ୍ଷିତ ସ୍ଥାନ ବୋଲି କୁହାଯାଏ । ଏଠାରେ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥାଏ । ହ୍ୱାଇଟ୍ ହାଉସ୍ ସୁରକ୍ଷାରେ ଆମେରିକାର ବରିଷ୍ଠ ଅଧିକାରୀମାନେ ରହିଥାନ୍ତି । ହେଲେ ଏସବୁ ଭିତରେ ଏକ ଗାଡି କିପରି ଯାଇ ଗେଟ୍କୁ ଧକ୍କା ଦେଲା, ତାକୁ ନେଇ ଉଠିଛି ପ୍ରଶ୍ନ । ହ୍ୱାଇଟ୍ ହାଉସ୍ର ସୁରକ୍ଷାକୁ ନେଇ ମଧ୍ୟ ପ୍ରଶ୍ନବାଚୀ ସୃଷ୍ଟି ହୋଇଛି ।