ନୂଆଦିଲ୍ଲୀ(ଆମ ଟିଭି): ରୋଜଗାର ଦେବ ଅଯୋଧ୍ୟା ରାମ ମନ୍ଦିର । ଅଯୋଧ୍ୟାରେ ୨୨ ଜାନୁଆରୀରେ ପ୍ରଭୁ ରାମଲାଲା ଭବ୍ୟ ମନ୍ଦିରରେ ବିରାଜମାନ କରିଛନ୍ତି। ପ୍ରାଣ ପ୍ରତିଷ୍ଠା ସମାରୋହରେ ହଜାର ହଜାର ଲୋକ ଅଂଶଗ୍ରହଣ କରିଥିଲେ, ଏହା ପରେ ମନ୍ଦିରରେ ଦର୍ଶନ କରିବା ପାଇଁ ଲୋକଙ୍କ ଏକ ବିରାଟ ଧାଡି ରହିଛି। ଏକ ରିପୋର୍ଟ ଅନୁଯାୟୀ, ଅଯୋଧ୍ୟାରେ ରାମ ମନ୍ଦିରର ଉଦ୍ଘାଟନ ପରେ ଅଯୋଧ୍ୟା ଏବଂ ଏହାର ଆଖପାଖ ସହରରେ ପ୍ରତ୍ୟକ୍ଷ ତଥା ପରୋକ୍ଷରେ ଦେଢରୁ ଦୁଇ ଲକ୍ଷ ଲୋକ ଆସନ୍ତା ୫ ବର୍ଷ ମଧ୍ୟରେ ରୋଜଗାର ପାଇପାରନ୍ତି।
ଇକୋନୋମିକ ଟାଇମ୍ସରେ ପ୍ରକାଶିତ ଖବର ଅନୁଯାୟୀ, ହ୍ୟୁମାନ କ୍ୟାପିଟାଲ ସାସ ପ୍ଲାଟଫର୍ମ ବେଟରପ୍ଲେସ କହିଛି, ଅଯୋଧ୍ୟାରେ ଶ୍ରୀ ରାମ ମନ୍ଦିରର ଉଦ୍ଘାଟନ ହେତୁ ଆସନ୍ତା ଚାରିରୁ ପାଞ୍ଚ ବର୍ଷ ମଧ୍ୟରେ ୧,୫୦,୦୦୦ରୁ ୨,୦୦,୦୦୦ ଲୋକ ଚାକିରି ପାଇବାର ସମ୍ଭାବନା ରହିଛି। ବେଟରପ୍ଲେସର କୋଫାଉଣ୍ଡର ତଥା ଗୋଷ୍ଠୀ ମୁଖ୍ୟ କାର୍ୟ୍ୟନିର୍ବାହୀ ପ୍ରବୀଣ ଅଗ୍ରୱାଲ କହିଛନ୍ତି ଯେ, ଏହା ବ୍ୟତୀତ ଅଯୋଧ୍ୟାରେ ହୋଟେଲ, ଆପାର୍ଟମେଣ୍ଟ ୟୁନିଟ, ସ୍ବାସ୍ଥ୍ୟସେବା ସୁବିଧା ଏବଂ ଅନ୍ୟାନ୍ୟ ଭିତ୍ତିଭୂମି ସମ୍ପ୍ରସାରିତ ହେବାକୁ ଯାଉଛି, ଏହି କାରଣରୁ ତୁରନ୍ତ ୫୦,୦୦୦ରୁ ୧ ଲକ୍ଷ ନିଯୁକ୍ତି ସୁଯୋଗ ସୃଷ୍ଟି ହେବ।