କଂଗ୍ରେସ ଉପରେ ବର୍ଷିଲେ ମୋଦି, କହିଲେ ପରିବାର ବାଦ ଚାଲିଛି

ସାଧାରଣ ନିର୍ବାଚନ ଯେତିକି ପାଖେଇ ଆସୁଛି କଂଗ୍ରେସ ବିରୋଧରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସ୍ୱର ସେତିକି ଶାଣିତ ହେବାରେ ଲାଗିଛି। ସଂସଦ ଭିତରେ ଓ ବାହାରେ ପ୍ରଧାନମନ୍ତ୍ରୀ ମୋଦି ସିଧାସଳଖ କଂଗ୍ରେସ ଉପରେ ହମଲା ଆରମ୍ଭ କରିଦେଇଛନ୍ତି।

ଏହିକ୍ରମରେ ଆଜି ପୁଣିଥରେ ମୋଦି କଂଗ୍ରେସକୁ ଟାର୍ଗେଟ କରିଛନ୍ତି। କଂଗ୍ରେସ ଏବେ ପ୍ରିୟାପ୍ରୀତି ତୋଷଣ ଓ ବଂଶବାଦ ରାଜନୀତିର ଚକ୍ରରେ ଫସି ରହିଛି। ଏଥିପାଇଁ ନେତାମାନେ କଂଗ୍ରେସ ଛାଡ଼ୁଥିବା ମୋଦି ଅଭିଯୋଗ କରିଛନ୍ତି।

ବିକଶିତ ଭାରତ, ବିକଶିତ ରାଜସ୍ଥାନ କାର୍ଯ୍ୟକ୍ରମକୁ ଭିସି ମାଧ୍ୟମରେ ସମ୍ବୋଧନ କରି ପ୍ରଧାନମନ୍ତ୍ରୀ ମୋଦି କହିଛନ୍ତି, “କଂଗ୍ରେସର କେବଳ ଗୋଟିଏ ଏଜେଣ୍ଡା। ସେଇଟା ହେଲା ଆଣ୍ଟି ମୋଦି। ସେମାନେ ମୋଦି ବିରୋଧରେ ଏମିତି କିଛି କଥାର ପ୍ରଚାର କରୁଛନ୍ତି, ଯାହା ସମାଜକୁ ଭାଗଭାଗ କରୁଛି।

ପ୍ରିୟାପ୍ରୀତି ତୋଷଣ ଓ ବଂଶବାଦ ରାଜନୀତିର ଚକ୍ରରେ ଫସି ରହିଥିବା ଗୋଟିଏ ଦଳ କ୍ଷେତ୍ରରେ ହିଁ ଏପରି ଘଟେ। ଆଜିକା ଦିନକରେ ସମସ୍ତେ କଂଗ୍ରେସ ଛାଡ଼ୁଛନ୍ତି ଓ କେବଳ ଗୋଟିଏ ପରିବାରକୁ ସେଠାରେ ଦେଖିବାକୁ ମିଳୁଛି।