ଭାରତ ପାଇଁ ଆମେରିକାକୁ କଟାକ୍ଷ କଲା ଋଷ
ଖଲିସ୍ତାନ ସମର୍ଥକ ଆତଙ୍କବାଦୀ ଗୁରୁପନ୍ତୱନ୍ତ ସିଂ ପନ୍ନୁ ମାମଲାରେ ରୁଷିଆ ଭାରତର ସପକ୍ଷରେ ଯୁକ୍ତି ବାଢିଛି। ପନ୍ନୁଙ୍କୁ ହତ୍ୟା ଉଦ୍ୟମ ଷଡଯନ୍ତ୍ରରେ ଭାରତ ବିରୋଧରେ ନିରନ୍ତର ଭିତ୍ତିହୀନ ଅଭିଯୋଗ କରିଥିବାରୁ ସେ ଆମେରିକାକୁ ନିନ୍ଦା କରିଛନ୍ତି। ରୁଷିଆର ବୈଦେଶିକ ମନ୍ତ୍ରଣାଳୟ ଏହି ଅଭିଯୋଗକୁ ପ୍ରତ୍ୟାଖ୍ୟାନ କରି କହିଛି, ୱାଶିଂଟନ ଏପର୍ଯ୍ୟନ୍ତ ଏହି ମାମଲାରେ ଭାରତୀୟ ନାଗରିକଙ୍କ ସମ୍ପୃକ୍ତି ସମ୍ପର୍କରେ କୌଣସି ବିଶ୍ୱସନୀୟ ପ୍ରମାଣ ଦେଇନାହିଁ।
ରୁଷିଆର ବୈଦେଶିକ ମନ୍ତ୍ରଣାଳୟର ମାରିଆ ଜାଖାରୋଭା କହିଛନ୍ତି, ଆମ ପାଖରେ ଥିବା ସୂଚନା ଅନୁଯାୟୀ, ପନ୍ନୁ ନାମକ ଜଣେ ବ୍ୟକ୍ତିଙ୍କୁ ହତ୍ୟା କରିବାକୁ ଷଡଯନ୍ତ୍ରରେ ଭାରତୀୟ ନାଗରିକଙ୍କ ସମ୍ପୃକ୍ତି ସମ୍ପର୍କରେ କୌଣସି ନିର୍ଭରଯୋଗ୍ୟ ସୂଚନା କିମ୍ବା ପ୍ରମାଣ ଉପସ୍ଥାପିତ କରାଯାଇ ନାହିଁ। ପ୍ରମାଣ ଅଭାବରେ ଏହି ବିଷୟ ଉପରେ କଳ୍ପନାଜଳ୍ପନା ଗ୍ରହଣୀୟ ନୁହେଁ।
ଜାଖରୋଭା ଆହୁରି ମଧ୍ୟ କହିଛନ୍ତି, ଆମେରିକା କ୍ରମାଗତ ଭାବରେ ଭାରତ ବିରୋଧରେ ମିଥ୍ୟା ଅଭିଯୋଗ କରୁଛି। ସେ ଭାରତର ଜାତୀୟ ମାନସିକତା ଏବଂ ଇତିହାସ ବୁଝନ୍ତି ନାହିଁ। କାରଣ ଆମେରିକା ଧାର୍ମିକ ସ୍ବାଧୀନତା ଉପରେ ଭିତ୍ତିହୀନ ଅଭିଯୋଗ ଜାରି ରଖିଛି। ୱାଶିଂଟନ୍ର କାର୍ଯ୍ୟ ଭାରତର ଆଭ୍ୟନ୍ତରୀଣ ବ୍ୟାପାରରେ ସ୍ପଷ୍ଟ ଭାବରେ ହସ୍ତକ୍ଷେପ କରୁଛି। ପନ୍ନୁଙ୍କୁ ହତ୍ୟା କରିବାର ଷଡଯନ୍ତ୍ର ବିଷୟରେ ଯେତିକି କଳ୍ପନା ଜଳ୍ପନା ରହିଛି, ସେଥିରେ ସେତିକି ପ୍ରମାଣ ନାହିଁ, ଏହା ଗ୍ରହଣୀୟ ନୁହେଁ। ଆମେରିକା ଭାରତକୁ ଏକ ଦେଶ ଭାବରେ ସମ୍ମାନ କରୁନାହିଁ।