କେରଲ ଛୁଇଁଲା ମୌସୁମୀ
ଦକ୍ଷିଣ ପଶ୍ଚିମ ମୌସୁମୀ ବାୟୁ ପୂର୍ବାନୁମାନର ଗୋଟିଏ ଦିନ ପୂର୍ବରୁ ଅର୍ଥାତ୍ ଗୁରୁବାର କେରଳରେ ପହଞ୍ଚିଛି। ବର୍ତ୍ତମାନ ଏହା ଉତ୍ତର-ପୂର୍ବର କିଛି ଅଂଶ ଆଡକୁ ଗତି କରୁଛି। ଆସନ୍ତା ୨୪ ଘଣ୍ଟା ମଧ୍ୟରେ କେରଳରେ ଦକ୍ଷିଣ-ପଶ୍ଚିମ ମୌସୁମୀ ଆସିବା ପାଇଁ ଅବସ୍ଥା ଅନୁକୂଳ ରହିବ ବୋଲି ବୁଧବାର ଭାରତ ପାଣିପାଗ ବିଭାଗ କହିଛି। ମେ ୧୫ରେ, ପାଣିପାଗ କାର୍ଯ୍ୟାଳୟ ମେ ୩୧ସୁଦ୍ଧା କେରଳରେ ମୌସୁମୀ ଆସିବାର ପୂର୍ବାନୁମାନ କରିଥିଲା।
ପାଣିପାଗ ବିଜ୍ଞାନୀମାନେ କହିଛନ୍ତି ଯେ ରବିବାର ପଶ୍ଚିମବଙ୍ଗ ଏବଂ ବାଂଲାଦେଶ ଦେଇ ଯାଇଥିବା ସାଇକ୍ଲୋଥନ ରେମାଲ ମୌସୁମୀ ପ୍ରବାହକୁ ବଙ୍ଗୋପସାଗରକୁ ଟାଣି ନେଇଛି, ଯାହା ଉତ୍ତର-ପୂର୍ବରେ ମୌସୁମୀ ଶୀଘ୍ର ଆସିବାର କାରଣ ହୋଇପାରେ। ପାଣିପାଗ ବିଭାଗର ତଥ୍ୟ ଅନୁଯାୟୀ, ଗତ କିଛି ଦିନ ହେବ କେରଳରେ ପ୍ରବଳ ବର୍ଷା ହୋଇଆସୁଛି, ଯାହାଫଳରେ ମେ’ରେ ସାଧାରଣ ବୃଷ୍ଟିପାତ ହୋଇପାରେ।
ଅରୁଣାଚଳ ପ୍ରଦେଶ, ତ୍ରିପୁରା, ନାଗାଲାଣ୍ଡ, ମେଘାଳୟ, ମିଜୋରାମ, ମଣିପୁର ଏବଂ ଆସାମରେ ମୌସୁମୀ ଆସିବାର ସାଧାରଣ ତାରିଖ ହେଉଛି ଜୁନ। ଆଇଏମଡି କହିଛି ଯେ ଏହି ସମୟ ମଧ୍ୟରେ ଦକ୍ଷିଣ ଆରବ ସାଗରର କିଛି ଅଂଶ, ମାଲଦ୍ୱୀପ, କୋମରିନ, ଲକ୍ଷ୍ମାଦୀପର ଶେଷ ଭାଗ, ଦକ୍ଷିଣ-ପଶ୍ଚିମ ଏବଂ ମଧ୍ୟ ବଙ୍ଗୋପସାଗର, ଉତ୍ତର-ପଶ୍ଚିମ ବଙ୍ଗୋପସାଗର ଏବଂ ଉତ୍ତର-ପୂର୍ବ ରାଜ୍ୟଗୁଡିକର କିଛି ଅଂଶକୁ ମୌସୁମୀ ଅଗ୍ରଗତି ହେବାକୁ ପରିସ୍ଥିତି ଅନୁକୂଳ ହୋଇଛି।