ଚେନ୍ନାଇ : ଆଜି ବିଜୟଙ୍କ ଫ୍ଲୋର ଟେଷ୍ଟ ପୂର୍ବରୁ ତାମିଲନାଡୁ ରାଜନୀତିରେ ଏକ ବଡ଼ ଧରଣର ଅସ୍ଥିରତା ଦେଖାଦେଇଛି। ଏଆଇଡ଼ିଏମକେ ଭିତରେ ଆଭ୍ୟନ୍ତରୀଣ କନ୍ଦଳ ସାମ୍ନାକୁ ଆସିଛି। ସୂତ୍ର ଅନୁସାରେ ଦଳ ଦୁଇ ଗୋଷ୍ଠୀରେ ବିଭକ୍ତ ହୋଇଥିବାର ସୂଚନା ମିଳିଛି । ଏଆଇଏଡ଼ିଏମକେ ନେତା ସିଭି ଶନମୁଗମ ୧୩ ମଇରେ ହେବାକୁ ଥିବା ଫ୍ଲୋର ଟେଷ୍ଟ ପୂର୍ବରୁ ମୁଖ୍ୟମନ୍ତ୍ରୀ ବିଜୟଙ୍କ ଦଳ ଟିଭିକେକୁ ସମର୍ଥନ ଘୋଷଣା କରିଛନ୍ତି ସିଭି ଶନମୁଗମ କହିଛନ୍ତି, “ଆମେ ଲୋକଙ୍କ ଜନାଦେଶକୁ ଗ୍ରହଣ କରୁଛୁ । ଲୋକଙ୍କ ଜନାଦେଶ ଟିଭିକେ ପାଇଁ ନୁହେଁ, ବିଜୟ ମୁଖ୍ୟମନ୍ତ୍ରୀ ହେବା ପାଇଁ। ଆମେ ମୁଖ୍ୟମନ୍ତ୍ରୀ ବିଜୟଙ୍କୁ ଅଭିନନ୍ଦନ ଜଣାଉଛୁ ଏବଂ ମୁଖ୍ୟମନ୍ତ୍ରୀଙ୍କ ନେତୃତ୍ୱାଧୀନ ଟିଭିକେ ସରକାରଙ୍କୁ ଆମର ସମର୍ଥନ ଦେଉଛୁ।”
ସେ କହିଛନ୍ତି, “ଆମେ ଡ଼ିଏମକେ ବିରୋଧରେ ଏହି ଦଳ ପ୍ରତିଷ୍ଠା କରିଥିଲୁ। ୫୩ ବର୍ଷ ଧରି ଆମର ରାଜନୀତି ଡ଼ିଏମକେ ବିରୋଧରେ ରହିଛି। ଏହି ଇତିହାସକୁ ଦୃଷ୍ଟିରେ ରଖି, ଡ଼ିଏମକେ ସମର୍ଥନରେ ଏଆଇଏଡ଼ିଏମକେ ସରକାର ଗଠନ ପାଇଁ ଏକ ପ୍ରସ୍ତାବ ଦିଆଯାଇଥିଲା । ମାତ୍ର ଆମର ଅଧିକାଂଶ ସଦସ୍ୟ ଏହାକୁ ପ୍ରତ୍ୟାଖ୍ୟାନ କରିଥିଲେ ଏବଂ ବିରୋଧ କରିଥିଲେ। ଯଦି ଆମେ ଡ଼ିଏମକେ ସହିତ ଏକ ମେଣ୍ଟ ଗଠନ କରିଥାନ୍ତୁ, ତେବେ ଏଆଇଏଡ଼ିଏମକେର ଅସ୍ତିତ୍ୱ ରହିନଥାନ୍ତା । ଆମେ ବର୍ତ୍ତମାନ କୌଣସି ମେଣ୍ଟରେ ନାହୁଁ । ଏବଂ ଆମର ଧ୍ୟାନ ଏବେ ଆମ ଦଳକୁ ପୁନର୍ଜୀବିତ ଏବଂ ମଜବୁତ କରିବା ଉପରେ ରହିବା ଉଚିତ।