ବ୍ରଡୱେ ଡ୍ୟାନ୍ସ ଷ୍ଟୁଡିଓ ଦ୍ୱାରା ରାଜ୍ୟସ୍ତରୀୟ ନୃତ୍ୟ ପ୍ରତିଯୋଗିତା ଆୟୋଜିତ

ଭୁବନେଶ୍ୱର (ଆମ ଟିଭି): ଭୁବନେଶ୍ୱରର ସି.ଆର୍.ପି ଛକଠାରେ ବ୍ରଡୱେ ଡ୍ୟାନ୍ସ ଷ୍ଟୁଡିଓ ଦ୍ୱାରା ଏକ ରାଜ୍ୟସ୍ତରୀୟ ନୃତ୍ୟ ପ୍ରତିଯୋଗିତା ‘ବିଟ୍ ଦ ବିଟ୍’ ଆୟୋଜିତ ହୋଇଥିଲା। ଏହି ପ୍ରତିଯୋଗିତାରେ ଓଡିଶାର କୋଣ ଅନୁକୋଣରୁ ପ୍ରାରମ୍ଭିକ ପର୍ୟ୍ୟାୟରେ ମନୋନୀତ ୨୦୦ ରୁ ଅଧିକ ପ୍ରତିଯୋଗୀ ଅଂଶଗ୍ରହଣ କରିଥିଲେ।

ଏହି ପ୍ରତିଯୋଗିତାକୁ ବଲିଉଡ କୋରିଓଗ୍ରାଫର ସୁର୍ୟ୍ୟନ୍ ରଥ, ବ୍ରଡୱେ ଡ୍ୟାନ୍ସ ଷ୍ଟୁଡିଓର ପ୍ରତିଷ୍ଠାତା ରିତେଶ ଆର.ଜେ ଏବଂ ଅର୍ଚିତା ବିଚାରପତି ଭାବରେ ଯୋଗଦେଇଥିଲେ। ଜୁନିୟର ବର୍ଗରେ ପ୍ରତ୍ୟୁଷ ପଣ୍ଡା ପ୍ରଥମ ପୁରସ୍କାର ଏବଂ ଆଦ୍ୟାଶା ପରମିତା ଦ୍ୱିତୀୟ ପୁରସ୍କାର ଜିତିଥିଲେ। ସିନିୟର ବର୍ଗରେ ବାସୁଦେବ ବିଶ୍ବାଳ ପ୍ରଥମ ପୁରସ୍କାର ଏବଂ ମାନସ ପାଢି ଦ୍ୱିତୀୟ ପୁରସ୍କାର ଜିତିଥିଲେ ଜ୍ଝ ପ୍ରତ୍ୟୁଷ ପଣ୍ଡା ମଧ୍ୟ ଗ୍ରାଣ୍ଡ ଚାମ୍ପିଅନ ଟ୍ରଫି ଜିତିଥିଲେ। ଏହି କାର୍ୟ୍ୟକ୍ରମକୁ ସୁଭୋଜିତ୍ ପଣ୍ଡା ପରିଚାଳନା କରିଥିଲେ।