ନିସ୍ଵାର୍ଥ ସେବାକୁ ହୃଦୟରୁ ସମ୍ମାନ ଦେବାର ଏକ ନିଆରା କାର୍ଯ୍ୟକ୍ରମ ନମନ -2024*

ଓଡିଶା ର ଅନ୍ୟତମ ଅଗ୍ରଣୀ ସାଂସ୍କୃତିକ ଓ ସାମାଜିକ ଅନୁଷ୍ଠାନ ନମନ ଫାଉଣ୍ଡେସନ ଆନୁକୂଲ୍ୟରେ, ପୋପା ଏବଂ ସ୍ମାଇଲ ପ୍ଲିଜ଼ ଟ୍ରଷ୍ଟ ସହଯୋଗ ରେ ଆଗାମୀ ଡିସେମ୍ବର 24 ତାରିଖ ମଙ୍ଗଳବାର ଦିନ, ୭ମ ବାଟାଲିୟନ ପରିସରରେ 3ୟ ନମନ – 2024 କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ଆଜି ଆୟୋଜିତ ପ୍ରେସ୍ ବିଜ୍ଞପ୍ତି ରେ ଘୋଷଣା କରାଯାଇଛି l ନମନ, ପୁଲିସ ଭାଇ ଭଉଣୀ ତଥା ସେମାନଙ୍କ ପରିବାର ପାଇଁ ଉତ୍ସର୍ଗୀକୃତ ଏକ ନିଆରା ଓ ଅନନ୍ୟ କାର୍ଯ୍ୟକ୍ରମ l ଆଇନ ଶୃଙ୍ଖଳା ରକ୍ଷା କରିବା ବ୍ୟତୀତ ପୁଲିସ ଅହରହ ନିଜ ଜୀବନ କୁ ବାଜି ଲଗାଇ ଆମ ଜୀବନ କୁ ସରଳ, ସୁନ୍ଦର ଓ ଶୃଙ୍ଖଳିତ କରିବାର ପ୍ରୟାସ ଜାରି ରଖିଥାଏ l ନିସ୍ଵାର୍ଥପର ଭାବେ ସେମାନେ ସମାଜ ର ଜାଗ୍ରତ ପ୍ରହରୀ ଭାବେ ବର୍ଷକ ବାର ମାସ ଅତ୍ୟନ୍ତ ଅବିରତ ପରିଶ୍ରମ ସହ ଅନେକ ତ୍ୟାଗ କରିଥାନ୍ତି l ସେମାନଙ୍କ ପରିବାର ମଧ୍ୟ ସେମାନଙ୍କୁ ସହଯୋଗ କରିଥାନ୍ତି l ତେଣୁ ପୁଲିସ ଓ ଅନ୍ୟ ସମସ୍ତ ପୁଲିସ ସହଯୋଗୀ ଙ୍କ ନିସ୍ଵାର୍ଥ ସେବାକୁ ହୃଦୟର ସମ୍ମାନ ଦେବାର ଏକ ନିଆରା କାର୍ଯ୍ୟକ୍ରମ ସ୍ୱରୂପ ନମନ ଗତ ଦୁଇ ବର୍ଷ ଠାରୁ ଆୟୋଜିତ ହୋଇଆସୁଛି l

ଚଳିତ ବର୍ଷ ନମନ ର 3ୟ ସଂସ୍କରଣ ରେ ଓଲିଉଡ଼ ଓ ବଲିଉଡ ର ଅନେକ ଅଭିନେତା, ଅଭିନେତ୍ରୀ, କଣ୍ଠଶିଳ୍ପୀ, କମେଡିଆନ, ଉପସ୍ଥାପକ ଯୋଗଦେଇ ଆସନ୍ତା 24 ତାରିଖ ସନ୍ଧ୍ୟା 6 ରେ “୭ମ ବାଟାଲିୟନ” ପରିସରରେ ବିଭିନ୍ନ ମନୋରଞ୍ଜନ କାର୍ଯ୍ୟକ୍ରମ ପରିବେଷଣ କରିବେ l ଏହି କାର୍ଯ୍ୟକ୍ରମରେ କେନ୍ଦ୍ରୀୟ ମନ୍ତ୍ରୀ ଶ୍ରୀଯୁକ୍ତ ଧର୍ମେନ୍ଦ୍ର ପ୍ରଧାନ ମଧ୍ୟ ଉପସ୍ଥିତ ରହି ପୁଲିସ ଓ କଳାକାରଙ୍କୁ ଉତ୍ସାହିତ କରିବେ l

ପ୍ରେସ୍ ବିଜ୍ଞପ୍ତି ସଭାରେ ଓଲିଉଡ଼ ଷ୍ଟାର ସବ୍ୟସାଚୀ ମିଶ୍ର, ସଙ୍ଗୀତ ନିର୍ଦ୍ଦେଶକ ପ୍ରେମ୍ ଆନନ୍ଦ ଉପସ୍ଥିତ ରହି

ଏହି ନିଆରା କାର୍ଯ୍ୟକ୍ରମ କୁ ସ୍ୱତନ୍ତ୍ର ଶୈଳୀ ରେ ଉପସ୍ଥାପନା କରିବା ପାଇଁ ନମନ ଫାଉଣ୍ଡେସନ ତାର ସମସ୍ତ ପ୍ରୟାସ ଜାରି ରଖିଛନ୍ତି ବୋଲି ପ୍ରକାଶ କରିଥିଲେ l ଚଳିତ ବର୍ଷ ର ଥିମ୍ ରହିଛି ସହିଦ୍ ପୁଲିସ ଙ୍କୁ ସମ୍ମାନ ଦେବା l

ଏହି ନିଆରା କାର୍ଯ୍ୟକ୍ରମ କୁ ସମସ୍ତେ ମିଶି ସଫଳ କରିବା ପାଇଁ ସବ୍ୟସାଚୀ ନିବେଦନ କରିଛନ୍ତି l