ମୁମ୍ବାଇ (ଆମ ଟିଭି ): ଚୋରି ହୋଇଗଲା ଆଦାନୀ ଗ୍ରୁପର ପୋଲ। ଆଦାନୀ କମ୍ପାନୀ ତରଫରୁ ନିର୍ମାଣ ହୋଇଥିବା ଏକ ଲୁହାପୋଲ ଚୋରି ହୋଇଯାଇଛି । ଏହି ମାମଲାରେ ମୁମ୍ବାଇ ପୋଲିସ ୪ଜଣଙ୍କୁ ଗିରଫ କରିଛି । ଏହି ପୋଲଟି ପଶ୍ଚିମ ଉପନଗରରେ ଗୋଟିଏ ନାଳ ଉପରେ ନିର୍ମାଣ ହୋଇଥିଲା । ଏହି ପୋଲ ନିର୍ମାଣ ପାଇଁ ୬ହଜାର କିଲୋଗ୍ରାମର ଲୁହା ବ୍ୟବହାର କରାଯାଇଥିଲା ।
ବାଙ୍ଗୁରନଗର ଥାନାର ଅଧିକାରୀ କହିଛନ୍ତି କି, ମଲାଡ ୱେଷ୍ଟରେ ୯୦ ଫୁଟ ଲମ୍ବର ଏକ ପୋଲ ଓଡାନଲ ଇଲେକ୍ଟ୍ରିସିଟି କମ୍ପାନୀ ଦ୍ୱାରା ବିଜୁଳି ତାର ବଦଳାଇବାକୁ ରଖା ଯାଇଥିଲା । ହେଲେ ନାଳ ଉପରେ ସ୍ଥାୟୀ ପୋଲ ନିର୍ମାଣ ହେବା ପରେ ଅସ୍ଥାୟୀ ଲୁହାପୋଲକୁ କିଛି ଦୂରକୁ ସ୍ଥାନାନ୍ତର କରାଯାଇଥିଲା । ହେଲେ ଜୁନ ୨୬ ତାରିଖରେ ଅଚାନକ ପୋଲଟି ଗାଏବ ହୋଇଯାଇଥିଲା । ଏନେଇ ବିଜୁଳି କମ୍ପାନୀ ଥାନାରେ ଅଭିଯୋଗ କରିଥିଲା ।