ସଂସଦୀୟ ବୋର୍ଡରୁ ବାଦ୍ ପଡ଼ିବା ପରେ ପ୍ରତିକ୍ରିୟା ରଖିଲେ ଶିବରାଜ, କହିଲେ ’ଦଳ ଦରି ବିଛାଇବାର କାମ ଦେଲେ ବି କରିବି’

ନୂଆଦିଲ୍ଳୀ(ଆମ ଟିଭି): ବିଜେପି ସଂସଦୀୟ ବୋର୍ଡରୁ ବାଦ ଦିଆଯିବା ପରେ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କ ପ୍ରଥମ ଥର ପ୍ରତିକ୍ରିୟା ଆସିଛି। ସେ ଶନିବାର କହିଛନ୍ତି, ମୁଁ ଯୋଗ୍ୟ କି ନାହିଁ ତାକୁ ନେଇ କେବେ ଗର୍ବ କରେନି, ମୋତେ ଦଳ ଯଦି ଦରି ବିଛାଇବାର କାମ ଦେବ ତେବେ ମୁଁ ରାଷ୍ଟ୍ରହିତ ପାଇଁ ଏହା କରିବି। ସିଏମ୍ ଚୌହାନ୍ କହିଛନ୍ତି, ଦଳ କହିବ ଜେତ୍(ମୁଖ୍ୟମନ୍ତ୍ରୀଙ୍କ ଘର ଗାଁ) ରୁହ ତେବେ ମୁଁ ସେଠାରେ ରହିବି। ଦଳ କହିବ ଯେ ଯଦି ତୁମେ ଭୋପାଳରେ ରୁହ, ତେବେ ମୁଁ ଭୋପାଳରେ ରହିବି। ରାଜନୀତିରେ କୌଣସି ବ୍ୟକ୍ତିଗତ ଅଭିଳାଷ ରହିବା ଉଚିତ୍ ନୁହେଁ।ଉଲ୍ଲେଖନୀୟ ଯେ, ଶିବରାଜ ଏକ ଚ୍ୟାନେଲ କାର୍ଯ୍ୟକ୍ରମରେ କହିଥିଲେ, ବିଜେପି ଏକ ବିରାଟ ପରିବାର। କେତେକ ଏହାର ସ୍ରୋତରେ କିଏ ଆଗକୁ ବଢିଯାଏ ତ ଆଉ କେହି ବାହାରକୁ ଚାଲିଆସିଥାଏ। କେନ୍ଦ୍ରୀୟ ସ୍ତରରେ ଏକ ଟିମ୍ ଅଛି, ଯାହାକି ଏହା ଧାର୍ଯ୍ୟ କରିବ ଯେ, କାହାକୁ କାମ କରିବାର ଅଛି। ଯେପରି ଆମେ ରାଜ୍ୟରେ ନିଷ୍ପତ୍ତି ନେଉଛୁ। ସେ କହିଛନ୍ତି- ଯେଉଁମାନେ ରାଷ୍ଟ୍ରୀୟ ସଭାପତି ଜେପି ନାଡାଙ୍କ ଦ୍ୱାରା ସଂସଦୀୟ ବୋର୍ଡରେ ଅନ୍ତର୍ଭୁକ୍ତ ହୋଇଛନ୍ତି, ସେମାନେ ଯୋଗ୍ୟ । ଏହା ପୂର୍ବ-ପଶ୍ଚିମ ଏବଂ ଉତ୍ତର-ଦକ୍ଷିଣକୁ ବିଚାରକୁ ନେଇଥାଏ।

ଗତ ୧୭ ଅଗଷ୍ଟରେ ବିଜେପି ନିଜର ସଂସଦୀୟ ବୋର୍ଡର ପୁନଃଗଠନ କରିଥିଲା, ଯେଉଁଥିରେ କିଛି ନୂଆ ଚେହେରାକୁ ସ୍ଥାନ ଦିଆଯାଇଛି। ସଂସଦୀୟ ବୋର୍ଡରୁ ଶିବରାଜ ଓ ନୀତୀନ ଗଡକାରୀଙ୍କୁ ବାହାର କରାଯାଇଛି। ଶିବରାଜ ହେଉଛନ୍ତି, ବିଜେପିର ବରିଷ୍ଠ ମୁଖ୍ୟମନ୍ତ୍ରୀ। ଏହି କାରଣରୁ ସେ ଗତ ନଅ ବର୍ଷ ଧରି ସଂସଦୀୟ ବୋର୍ଡର ସଦସ୍ୟ ରହିଆସିଛନ୍ତି। ଦଳିତ ନେତା ସତ୍ୟନାରାୟଣ ଜାଟିଆ ବର୍ତ୍ତମାନ ମଧ୍ୟପ୍ରଦେଶରୁ ସ୍ଥାନ ପାଇଛନ୍ତି। ସଂଗଠନର ନିକଟବର୍ତ୍ତୀ ବିବେଚିତ ହୋଇଥିବା ଜାଟିୟା ଉଜୈନରୁ ସାତଥର ସାଂସଦ ଥିଲେ। ବିଜେପି ତାଙ୍କୁ ଥରେ ରାଜ୍ୟସଭା ମଧ୍ୟ ପଠାଇଛି।