ଚମତ୍କାରି କଳା ଅଣ୍ଡା!ଏହି ଅଣ୍ଡା ଖାଇଲେ ବଢେ ଆୟୁଷ !

ଜାପାନ,୦୫/୦୨: ଜାପାନରେ ଏମିତି ଏକ ଅନନ୍ୟ ସ୍ଥାନ ରହିଛି, ଯେଉଁଠାରେ କଳା ସିଝା ଅଣ୍ଡା ଖାଇବା ପାଇଁ ଲୋକେ ଲମ୍ବା ଲାଇନ୍ ଲଗାନ୍ତି। ସ୍ଥାନୀୟ ଲୋକକଥା ଅନୁଯାୟୀ, ଏହି ଅଣ୍ଡା ଖାଇଲେ ଜଣେ ବ୍ୟକ୍ତିଙ୍କ ଆୟୁଷ ୭ ବର୍ଷ ବଢ଼ିଯାଏ। ତେବେ ଏହି କଥା କେତେଟା ସତ୍ୟ? ଆସନ୍ତୁ ଜାଣିବା ପୁରା ଘଟଣା।

ଆପଣ ଏବେ ଭାବୁଥିବେ ଏ କଳା ଅଣ୍ଡା କ’ଣ?
ଏହି କଳା ଅଣ୍ଡାଗୁଡ଼ିକୁ ଜାପାନୀ ଭାଷାରେ ‘କୁରୋ ତାମାଗୋ’ କୁହାଯାଏ।ଏଗୁଡ଼ିକ କୌଣସି ବିଶେଷ ପ୍ରଜାତିର ଅଣ୍ଡା ନୁହେଁ, ବରଂ ସାଧାରଣ କୁକୁଡ଼ା ଅଣ୍ଡା।ଏହାକୁ ସଲଫର ଓ ଲୁହା ଥିବା ପ୍ରାକୃତିକ ଗରମ ପାଣିରେ ସିଝାଯାଏ।ରାସାୟନିକ ପ୍ରତିକ୍ରିୟା ଫଳରେ ଅଣ୍ଡାର ଖୋଳ କଳା ହୋଇଯାଏ।ଭିତରେ ଅଣ୍ଡା ସମ୍ପୂର୍ଣ୍ଣ ସାଧାରଣ ଧଳା ଧଳା ଏବଂ ହଳଦିଆ ହଳଦିଆ ରହିଥାଏ

୭ ବର୍ଷ ଆୟୁଷ ବଢ଼ିବା କାହାଣୀ କେଉଁଠୁ ଆସିଲା?
ଏହି ବିଶ୍ୱାସ ଶହ ଶହ ବର୍ଷ ପୁରୁଣା ଜାପାନୀ ଲୋକକଥାରୁ ଆସିଛି। ପ୍ରାଚୀନ ସମୟରେ ଲୋକେ ବିଶ୍ୱାସ କରୁଥିଲେ ଯେ ଆଗ୍ନେୟଗିରି ଉଷ୍ମ ପାଣି ଶରୀରକୁ ପବିତ୍ର କରେ ଏବଂ ଦୀର୍ଘାୟୁ ଦିଏ।ସେଠାରୁ ଏକ ପ୍ରବାଦ ଚଳିଛି ଗୋଟିଏ କଳା ଅଣ୍ଡା ଖାଇଲେ ୭ ବର୍ଷ ଆୟୁଷ ବଢ଼େ।ମଜାର କଥା, କିଛି ଲୋକକଥା କହେ—ଦୁଇଟି ଅଣ୍ଡା ଖାଇଲେ ପ୍ରଭାବ କମିଯାଏ!

ବୈଜ୍ଞାନିକ ସତ୍ୟ କ’ଣ?

ବୈଜ୍ଞାନିକ ଭାବେ ଏହି କଳା ଅଣ୍ଡା ଆୟୁଷ ବଢ଼ାଏ ବୋଲି କୌଣସି ପ୍ରମାଣ ନାହିଁ।ଏହା ବାର୍ଦ୍ଧକ୍ୟ ରୋକେ ନାହିଁ କିମ୍ବା ଦୀର୍ଘାୟୁ ଦିଏ ନାହିଁ। ଏହା ସମ୍ପୂର୍ଣ୍ଣରୂପେ ପରମ୍ପରା ଓ କିମ୍ବଦନ୍ତୀ ଉପରେ ଆଧାରିତ।

ଖାଇବା ପାଇଁ ଏହା କେତେ ସୁରକ୍ଷିତ?
ହଁ।ଏହି ଅଣ୍ଡାଗୁଡ଼ିକ ସରକାରୀ ନିୟନ୍ତ୍ରଣ ଅଧୀନରେ ଉତ୍ପାଦିତ ଓ ବିକ୍ରି କରାଯାଏ। କୌଣସି ବିଷାକ୍ତ ପଦାର୍ଥ ନାହିଁ। କୌଣସି ଭାରୀ ଧାତୁ ନାହିଁ।ପୁଷ୍ଟି ମୂଲ୍ୟ ସାଧାରଣ ସିଝା ଅଣ୍ଡା ପରି।ତଥାପି, ଅଧିକ ପରିମାଣରେ ଖାଇବାକୁ କର୍ତ୍ତୃପକ୍ଷ ପରାମର୍ଶ ଦିଅନ୍ତି ନାହିଁ, କାରଣ ଅଧିକ ସଲଫର କିଛି ଲୋକଙ୍କ ପେଟ ଖରାପ କରିପାରେ।