ଭୁବନେଶ୍ବର (ଆମ ଟିଭି): ଆଜିକାଲି ପ୍ରାୟ ପ୍ରତ୍ୟେକ ଘରେ ରେଫ୍ରିଜରେଟର (ଫ୍ରିଜ୍) ଏକ ଅତ୍ୟାବଶ୍ୟକ ଉପକରଣ ପାଲଟିଛି। ବିଶେଷକରି ଗ୍ରୀଷ୍ମ ଋତୁରେ ଥଣ୍ଡା ପାଣି, ଫଳ, ପନିପରିବା ଓ ରନ୍ଧା ଖାଦ୍ୟ ସଂରକ୍ଷଣ ପାଇଁ ଫ୍ରିଜ୍ ଉପରେ ଲୋକମାନେ ସର୍ବାଧିକ ନିର୍ଭର କରନ୍ତି। କିନ୍ତୁ ଜାଣିଛନ୍ତି କି? ଫ୍ରିଜ୍ ବ୍ୟବହାର ସମୟରେ କିଛି ସାଧାରଣ ଭୁଲ ଆପଣଙ୍କୁ ଭାରି ଆର୍ଥିକ କ୍ଷତିରେ ପକାଇପାରେ। ଘରର ସ୍ଥାନ ବଞ୍ଚାଇବା କିମ୍ବା ସାଜସଜ୍ଜା ପାଇଁ ଅନେକେ ଫ୍ରିଜ୍ ଉପରେ ବିଭିନ୍ନ ଜିନିଷ ରଖନ୍ତି। ହେଲେ ଏହି ଅଭ୍ୟାସ ଫ୍ରିଜ୍ର କାର୍ଯ୍ୟକ୍ଷମତାକୁ ଧୀରେଧୀରେ ନଷ୍ଟ କରିଦିଏ।
ଫ୍ରିଜ୍ ଉପରେ ରଖିବା ଉଚିତ ନୁହେଁ ଏହି ଜିନିଷଗୁଡ଼ିକ
1. ଗଛ କିମ୍ବା ଭାରୀ ପାତ୍ର
ଘର ସୁନ୍ଦର ଦେଖାଯିବା ପାଇଁ ଫ୍ରିଜ୍ ଉପରେ ଗଛ କିମ୍ବା ଭାରୀ ପାତ୍ର ରଖିବା ଫ୍ରିଜ୍ର ଉପର ଭାଗ ଉପରେ ଅଧିକ ଚାପ ପକାଏ। ଏହା ଫ୍ରିଜ୍ର ଭିତରୁ ପାର୍ଟ ଏବଂ କମ୍ପ୍ରେସରକୁ କ୍ଷତି ପହଞ୍ଚାଇପାରେ।
2. ଔଷଧ
ଅନେକ ଲୋକ ଠିକ୍ ସମୟରେ ଔଷଧ ଖାଇବା ପାଇଁ ଫ୍ରିଜ୍ ଉପରେ ରଖନ୍ତି। କିନ୍ତୁ ଫ୍ରିଜ୍ର ଉପର ଭାଗ ସାଧାରଣତଃ ଗରମ ହୋଇଥାଏ। ଏହି ଉତ୍ତାପ ଔଷଧର କାର୍ଯ୍ୟକ୍ଷମତା କମାଇଦିଏ, ଯାହା ସ୍ୱାସ୍ଥ୍ୟ ପାଇଁ ବିପଦଜନକ।
3.ଆକ୍ୱାରିୟମ୍
ଫ୍ରିଜ୍ ଉପରେ ଆକ୍ୱାରିୟମ୍ ରଖିବା ଦେଖିବାକୁ ସୁନ୍ଦର ଲାଗିଥିଲେ ମଧ୍ୟ ଏହା ମାଛଙ୍କ ପାଇଁ ଖତରା। ଫ୍ରିଜ୍ରୁ ବାହାରୁଥିବା ଉତ୍ତାପ ଓ କମ୍ପନ ମାଛଙ୍କ ସ୍ୱାସ୍ଥ୍ୟକୁ କ୍ଷତି ପହଞ୍ଚାଇ ମୃତ୍ୟୁର କାରଣ ହୋଇପାରେ
4. ଟ୍ରଫି ଓ ପୁରସ୍କାର
ଅନେକେ ଟ୍ରଫି କିମ୍ବା ପୁରସ୍କାର ଫ୍ରିଜ୍ ଉପରେ ରଖିଥାନ୍ତି। ବାସ୍ତୁ ଶାସ୍ତ୍ର ଅନୁସାରେ ଏହା ଅଶୁଭ ବୋଲି କୁହାଯାଏ। ସେହିସହ ଭାରୀ ହେଲେ ଫ୍ରିଜ୍ର ଗଠନକୁ କ୍ଷତି ପହଞ୍ଚାଇପାରେ।
5. ଇଲେକ୍ଟ୍ରୋନିକ୍ ସାମଗ୍ରୀ
ଟୋଷ୍ଟର, ମାଇକ୍ରୋୱେଭ୍, ରେଡିଓ କିମ୍ବା ଚୁଲି ଫ୍ରିଜ୍ ଉପରେ ରଖିବା ସାଧାରଣ କଥା। କିନ୍ତୁ ଫ୍ରିଜ୍ର କମ୍ପନ ଓ ଉତ୍ତାପ ଏହି ଉପକରଣଗୁଡ଼ିକୁ ଶୀଘ୍ର ଖରାପ କରିଦିଏ।
ଫ୍ରିଜ୍ ହେଉଛି ଏକ ସେନସିଟିଭ୍ ଇଲେକ୍ଟ୍ରୋନିକ୍ ଉପକରଣ। ତେଣୁ ଏହାର ଉପରେ ଭାରୀ ଜିନିଷ ରଖିବାରୁ ଦୂରେଇ ରୁହନ୍ତୁ। ଏହା ଦ୍ୱାରା ଫ୍ରିଜ୍ ଦୀର୍ଘ ସମୟ ପର୍ଯ୍ୟନ୍ତ ଭଲଭାବେ କାମ କରିବା ସହ ଆପଣଙ୍କ ଅର୍ଥ ଓ ସ୍ୱାସ୍ଥ୍ୟ ସୁରକ୍ଷିତ ରହିବ।