ବାହାରିନ ପାରା ବ୍ୟାଡମିଣ୍ଟନ ଚାମ୍ପିଅନସିପ୍: ଫାଇନାଲରେ ପ୍ରବେଶ କଲେ ପ୍ରମୋଦ
ଭୁବନେଶ୍ବର (ଆମ ଟିଭି): ବାହାରିନର ମାନାମା ସହରରେ ଚାଲିଛି ଅନ୍ତର୍ଜାତୀୟ ପାରା ବ୍ୟାଡମିଣ୍ଟନ ଚାମ୍ପିଅନସିପ୍। ଏଥିରେ ଓଡ଼ିଶାର ପାରାଲିମ୍ପିକ୍ସ ସ୍ୱର୍ଣ୍ଣ ପଦକ ବିଜେତା ପ୍ରମୋଦ ଭଗତ ଉଭୟ ସିଙ୍ଗଲ୍ସ ଏବଂ ମିକ୍ସଡ୍ ଡବଲ୍ସ ଫାଇନାଲରେ ପ୍ରବେଶ କରିଛନ୍ତି ।
ସିଙ୍ଗଲ୍ସ ସେମିରେ ୨୧-୧୬, ୨୧-୧୪ରେ ପ୍ରମୋଦ ମନୋଜ ସରକାରଙ୍କୁ ହରାଇଛନ୍ତି । ସେହିପରି ମିକ୍ସଡ ଡବଲ୍ସରେ ମନୀଷା ରାମଦାସଙ୍କ ସହ ଯୋଡ଼ିରେ ୨୧-୧୩, ୨୧-୧୫ରେ ଜାପାନର ଡି. ଫୁଜାରା ଓ ଏ.ସୁଗିନା ଯୋଡ଼ିଙ୍କୁ ପରାସ୍ତ କରିଛନ୍ତି । ପ୍ରମୋଦଙ୍କ ଏହି ସଫଳତା ବଜାଇ ରଖିବା ପାଇଁ ତାଙ୍କ ଫ୍ୟାନମାନେ ଈଶ୍ୱରଙ୍କୁ ପ୍ରାର୍ଥନା କରିଛନ୍ତି।