ଭୁବନେଶ୍ୱର (ଆମ ଟିଭି): ଓଡ଼ିଶାରେ ସଶକ୍ତ ହେବ ଭାରତୀୟ ଜନତା ପାର୍ଟି। ବିଜେଡି କୁ ଟକ୍କର ଦେବାକୁ ଆରମ୍ଭ ହେବ ନୂଆ ରଣନୀତି। ଇଥି ପାଇଁ ଆସନ୍ତାକାଲି ଓଡ଼ିଶା ଆସୁଛନ୍ତି ବିଜେପି ରାଜ୍ୟ ପ୍ରଭାରୀ ସୁନୀଲ ବଂଶଲ ।ଭୁବନେଶ୍ୱରରେ ବଂଶଲଙ୍କ ଦୁଇ ଦିନିଆ କାର୍ଯକ୍ରମ ରହିଛି । କାଲି ଦିନ ଗୋଟାଏରେ ଭୁବନେଶ୍ୱରରେ ପହଞ୍ଚିବେ ବଂଶଲ । ଓଡିଶା ଦାୟିତ୍ୱ ନେବାପରେ ସୁନୀଲ ବଂଶଲଙ୍କର ଏହା ପ୍ରଥମ ଗସ୍ତ । ଭୁବନେଶ୍ୱର ଏୟାରପୋର୍ଟରେ ତାଙ୍କୁ ସ୍ୱାଗତ କରିବାକୁ ବିଜେପି ପକ୍ଷରୁ ପ୍ରସ୍ତୁତି କରାଯାଇଛି । ଗସ୍ତ ସମୟରେ ବଂଶଲ ଦଳର ସଭାପତି, ବରିଷ୍ଠ ନେତା ଓ ପଦାଧିକାରୀଙ୍କ ସହ ଆଲୋଚନା କରିବେ । ବିଧାୟକ, ସାଂସଦ ଓ ଦଳର ବିଭିନ୍ନ ମୋର୍ଚ୍ଚା ପଦାଧିକାରୀଙ୍କ ସହ ମଧ୍ୟ ପୃଥକ ପୃଥକ ଆଲୋଚନା କରିବାର କାର୍ଯ୍ୟକ୍ରମ ରହିଛି ।
ଦଳର ସଂଗଠନ ଓ ୨୦୨୪ ରଣନୀତି ଉପରେ ମଧ୍ୟ ହୋଇପାରେ ଆଲୋଚନା । ସୁନୀଲ ବଂଶଲ ହେଲେ ରାଜ୍ୟ ବିଜେପି ପ୍ରଭାରୀ । ତେଲେଙ୍ଗାନା, ପଶ୍ଚିମବଙ୍ଗ ସହ ଓଡିଶା ଦାୟିତ୍ୱ ସାମ୍ଭାଳିବେ । ଉତ୍ତର ପ୍ରଦେଶ ବିଜେପିର ମହାମନ୍ତ୍ରୀ ଥିବା ସୁନିଲ ବଂଶଲକୁ ପଦୋନ୍ନତି ଦିଆଯାଇ ତାଙ୍କୁ ଦଳର ରାଷ୍ଟ୍ରୀୟ ମହାମନ୍ତ୍ରୀ କରାଯାଇଛି । ତେଣୁ ସେ କାଲି ଓଡ଼ିଶା ଆସିବା ପରେ ବିଜେପି ର ରଣନୀତି କଣ ହେବ, ତାହା ଜଣା ପଡ଼ିବ।