ଗଙ୍ଗପଡ଼ା (ଆମ ଟିଭି): ଗିଫ୍ଟ ସ୍ୱୟଂ ଶାସିତ କଲେଜର ଏସିସି କାର୍ଯ୍ୟକ୍ରମ ଅଧୂନରେ ରୋଟାରି କଳିଙ୍ଗ ଓ ସହାଇ ସହଯୋଗରେ ଏକ ଏକ ମହତ କାର୍ଯ୍ୟକ୍ରମ “ରକ୍ତଦାନ ଶିବିର” ଅନୁଷ୍ଠିତ ହୋଇଯାଇଛି । ଏଥିରେ ବହୁ ଛାତ୍ରଛାତ୍ରୀଙ୍କ ସମେତ ଅଧ୍ୟାପକ ଓ ଅଧ୍ୟାପିକାମାନେ ଯୋଗଦାନ କରିଥିଲେ । ଏଥିରେ ମୋଟ ୭୨ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା ।
ଗିଫ୍ଟର ଅଧ୍ୟକ୍ଷ ଡଃ. ଶରତ କୁମାର ମହାରଣା ଶିବିରକୁ ଉଦ୍ଘାଟନ କରି ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିଥିଲେ । ଅନ୍ୟମାନଙ୍କ ମଧ୍ୟରେ ପ୍ରଫେସର ମଦନ ମୋହନ ସାହୁ, ପ୍ର. ରାମଚନ୍ଦ୍ର ପରିଡ଼ା, ଡଃ. ସୁଶୀର କୁମାର ମହାପାତ୍ର, ଫାର୍ମାସିଷ୍ଟ ପ୍ରତାପ କେଶର ମିଶ୍ର ଓ ସ୍ୱେଚ୍ଛାସେବୀ ଗୌରବ ଏନ୍ ସିଂହ, ଆଶିଷ ମୁଦୁଲି, ଅଭିଜିତ୍ ସାହୁ ଓ ଅଙ୍କିତା ଦାସ ପ୍ରମୁଖ କାର୍ଯ୍ୟକ୍ରମକୁ ପରିଚାଳନା କରିଥିଲେ । ଶେଷରେ ଅତିଥିମାନଙ୍କ ମଧ୍ୟରେ ରୋଟାରିଆନ୍ ମନିନ୍ଦ୍ର ପାଣିଗ୍ରହୀ, ଆର୍.ଏସ୍. ପଟ୍ଟନାୟକ, ଟି.ଆର. ଦାସ ଓ ବିଏମ୍ସି ରକ୍ତ ଭଣ୍ଡାରର କର୍ମକର୍ତ୍ତା ମାନେ ଉପସ୍ଥିତ ରହି ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିଥିଲେ ।