ବିଜେପି ସାଂସଦ ପ୍ରଜ୍ଞା ଠାକୁର ନାଁ ରେ ମାମଲା
ଶିବମୋଗ୍ଗା: ନିକଟ ଅତୀତରେ ଗୋଟାଏ ହିନ୍ଦୁ ସମର୍ଥକ ସଙ୍ଗଠନ ଆୟୋଜନ କରିଥିବା ସମ୍ମିଳନୀରେ କ୍ରୋଧ ଉଦ୍ରେକକାରୀ ଭାଷଣ ଦେଇଥିବା ଅଭିଯୋଗରେ ବୁଧବାର ଦିନ ପୁଲିସ ‘ବିଜେପି’ର ଉଗ୍ର ନେତ୍ରୀ ପ୍ରଜ୍ଞା ଠାକୁରଙ୍କ ନାଁରେ ମାମଲା ରୁଜୁ କରିଥିବା କଥା ସରକାରୀ ଅଧିକାରୀମାନେ କହିଛନ୍ତି।
ପୁଲିସ କହିବା ଅନୁସାରେ, ଭାରତୀୟ ପିଙ୍ଗଳ କୋଡ୍ର କେତେଗୁଡ଼ିଏ ଧାରା ଅନୁସାରେ ଭୋପାଳ ସାଂସଦ ପ୍ରଜ୍ଞା ଠାକୁରଙ୍କ ନାମରେ ମାମଲା ରୁଜୁ କରାଯାଇଛି।
ଡିସେମ୍ବର ୨୫ ତାରିଖ ଦିନ ଦେଇଥିବା ଭାଷଣରେ ହିନ୍ଦୁ ସମ୍ପ୍ରଦାୟ କର୍ମକର୍ତ୍ତାଙ୍କୁ ହତ୍ୟା କରାଯିବା ପ୍ରସଙ୍ଗ ଉଠାଇ ଠାକୁର କହିଥିଲେ ଯେ, ଆତ୍ମମର୍ଯ୍ୟାଦା ରକ୍ଷା କରିବା ଲାଗି ଆକ୍ରମଣକାରୀଙ୍କୁ ପ୍ରତିଆକ୍ରମଣ କରିବା ହିନ୍ଦୁମାନଙ୍କର ଅଧିକାର।
ଦକ୍ଷିଣାଞ୍ଚଳର ‘ହିନ୍ଦୁ ଜାଗରଣ ବେଦିକେ’ ସଙ୍ଗଠନର ବାର୍ଷିକ ସମ୍ମିଳନୀରେ ସମବେତ ଜନତାଙ୍କୁ ସେ କହିଥିଲେ ଯେ, ଆପଣମାନଙ୍କ ଘରକୁ ଅନୁପ୍ରବେଶ କରୁଥିବା ବ୍ୟକ୍ତିଙ୍କୁ ଠିକଣା ଜବାବ ଦେବା ଆବଶ୍ୟକ। ଘରେ ଅସ୍ତ୍ରଶସ୍ତ୍ର ରଖନ୍ତୁ। ଯଦି କିଛି ନ ପାଉଛନ୍ତି, ପରିବା କଟା ଛୁରିଟିକୁ ପଜାଇ ରଖନ୍ତୁ।