ଭୁବନେଶ୍ୱର (ଆମ ଟିଭି): ସିବିଆଇ ପଞ୍ଝାରେ ବିଶିଷ୍ଟ ଶିଳ୍ପପତି ମହିମା ମିଶ୍ର । ତାଙ୍କୁ ଘନ ଘନ ଜେରା କରୁଛି ସିବିଆଇ । ଏହି ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । ଏହି ମାମଲାରେ ମହିମା ମିଶ୍ରଙ୍କ ପୁଅ ଚର୍ଚ୍ଚିତ ମିଶ୍ରଙ୍କୁ ଗିରଫ କରାଯାଇଥିବା ସୂଚନା ମିଳିଛି । କଟକ ଓଡ଼ିଆ ବଜାର ସ୍ଥିତ ବାସଭବନରୁ ଚର୍ଚ୍ଚିତଙ୍କୁ ଗିରଫ କରାଯାଇଛି । ତେବେ ଗତକାଲି ମହିମାଙ୍କ ପୁଅଙ୍କୁ ଜେରା କରିଥିଲା ସିବିଆଇ । ଏହି ମାମଲାରେ ମୋଟ ୫ ଜଣଙ୍କୁ ଗିରଫ କଲାଣି ସିବିଆଇ ।
ପୂର୍ବରୁ ଜଣେ ବରିଷ୍ଠ ଅଧିକାରୀଙ୍କ ସମେତ ୪ ଜଣଙ୍କୁ ଗିରଫ କରି ସାରିଛି ସିବିଆଇ । ପାରାଦୀପ ପୋର୍ଟ ଚିଫ୍ ମେକାନିକାଲ ଇଞ୍ଜିନିୟର ସରୋଜ ଦାସଙ୍କୁ ଗିରଫ କରାଯାଇଛି । ଏହା ସହ ଠିକାଦାର ସୁମନ୍ତ ରାଉତଙ୍କୁ ମଧ୍ୟ ସିବିଆଇ ଗିରଫ କରିଛି । କେସିଟି ଗ୍ରୁପ ପୋର୍ଟ ଅପରେସନ ମ୍ୟାନେଜର ଶଂଖଶୁଭ୍ର ମିତ୍ର ଗିରଫ ହୋଇଛନ୍ତି । ଓଏସଏଲ ଅପରେସନ ଡିଜିଏମ ସୂର୍ୟ୍ୟ ନାରାୟଣ ସାହୁ ମଧ୍ୟ ଗିରଫ ହୋଇଛନ୍ତି । ତେବେ ସିବିଆଇର ଆଗାମୀ ପଦକ୍ଷେପ କ’ଣ ହେଉଛି, ତାହା ଦେଖିବାକୁ ବାକି ରହିଲା ।