ଡିସେମ୍ବର ୨୮ରେ ଆଓ ନେକ୍ସଟ ଓଟିଟି ପ୍ଲାଟଫର୍ମରେ ‘ଡାଲଚିନି’

ଭୁବନେଶ୍ୱର (ଆମ ଟିଭି); ଦୀର୍ଘ ଦିନଧରି ଚର୍ଚ୍ଚାରେ ରହିଥିବା ଓଡ଼ିଆ ରୋମାଣ୍ଟିକ ଚଳଚିତ୍ର ‘ଡାଲଚିନି’ ଓଟିଟି ପ୍ଲାଟଫର୍ମ ଆଓ ନେକ୍ସଟରେ ପ୍ରସାରିତ ହେବାକୁ ଯାଉଛି। ରିଲିଜ୍ ପୁର୍ବରୁ ଏହି ଚଳଚିତ୍ରଟି ଅନେଗୁଡ଼ିଏ ପ୍ରଶଂସା ସାଉଁଟି ସାରିଛି। ଓଡ଼ିଶା ରାଜ୍ୟ ସ୍ତରୀୟ ଚଳଚିତ୍ର ଉତ୍ସବରେ ଏହା ଶ୍ରେଷ୍ଠ ଫିଲ୍ମ ଭାବରେ ଘୋଷଣା ହେବା ସହିତ ‘ଡାଲଚିନି’ ଫିଲ୍ମ ପାଇଁ ସୁର୍ଯ୍ୟମୟୀ ମହାପାତ୍ରଙ୍କୁ ଶ୍ରେଷ୍ଠ ଅଭିନେତ୍ରୀ ସମ୍ମାନ ମିଳିସାରିଛି।

କୌସ୍ତଭ ଡ୍ରିମୱାର୍କ୍ସ ଏଵଂ ରିତୁପ୍ରୀୟା ପ୍ରଡକ୍ସନ ଆନୁକୁଲ୍ୟରେ ଚଳଚିତ୍ରରେ ପାର୍ଥ ସାରଥୀ ରାୟ ଓ ସୁର୍ଯ୍ୟମୟୀ ମହାପାତ୍ର ମୁଖ୍ୟ ଚରିତ୍ରରେ ନଜର ଆସିବାକୁ ଯାଉଛନ୍ତି। ଲୋକପ୍ରିୟ ନିର୍ଦ୍ଧେଶକ ପିନାକୀ ସିଂ ଓ ଶିଶିର କୁମାର ସାହୁଙ୍କ ଯୋଡ଼ି ଚଳଚିତ୍ରରେ ଭରିଦେଇଛି ନୂତନତ୍ଵ ଓ କାହାଣୀକୁ କରିଛି ଜୀବନ୍ତ।

ଜଣେ ମଧ୍ୟ ବର୍ଗୀୟ ବ୍ୟାଙ୍କ କର୍ମଚାରୀ ଛୁଟିରେ ଅନଲାଇନ ଡେଟିଙ୍ଗ ସାଇଟରୁ ଗୋଟାଏ ସାଥୀ ଚୟନ କରନ୍ତି ସମୟ ଅତିବାହିତ କରିବାକୁ। କିନ୍ତୁ ସାଥୀ ସହିତ ତାଙ୍କର ଏମିତି ଯୋଡ଼ି ବସେ ଯେ କେତେବେଳେ ଏହି ସମ୍ପର୍କ ପ୍ରେମର ରୂପ ନିଏ ତାହା ଜାଣି ସେ ଜାଣି ପାରନ୍ତି ନାହିଁ । ଯାହା ଆପଣ ଏହି ଭିନ୍ନ ସ୍ୱାଦର କାହାଣୀକୁ ଦେଖିଲେ ଜାଣିପାରିବେ।

ତେବେ ଅପେକ୍ଷାର ଅନ୍ତ ହେବାକୁ ଯାଉଛି ଡିସେମ୍ବର ୨୮ ତାରିଖରେ ଆଓ ନେକ୍ସଟ ଓଟିଟି ପ୍ଲାଟଫର୍ମରେ ପ୍ରସାରିତ ହେବାକୁଯାଉଛି ଏକ ଭିନ୍ନ ଧରଣର କାହାଣୀ ‘ଡାଲଚିନି’ । ଆପଣ ମାନଙ୍କୁ ଅନୁରୋଧ ଦେଖିବାକୁ ଭୁଲିବେନି।