ଭୁବନେଶ୍ୱର(ଆମ ଟିଭି): ପ୍ରଶାସନିକ ବାବୁରୁ ନେତା ବନିଥିବା ବିଜୟ ପଟ୍ଟନାୟକଙ୍କୁ ନେଇ ଯେତିକି ଚର୍ଚ୍ଚା ତାଠୁ ଅଧିକ ତାଙ୍କ ବୟାନକୁ ନେଇ । ତେବେ ବିଜୟ ପଟ୍ଟନାୟକ ରାଜ୍ୟ ସରକାର, ମୁଖ୍ୟମନ୍ତ୍ରୀ ଓ ପ୍ରଶାସନିକ ବ୍ୟବସ୍ଥାକୁ ନେଇ ଯେଉଁ ଅଭିଯୋଗ ଆଣିଛନ୍ତି ତାକୁ ଖଣ୍ଡନ କରିଛି ବିଜେଡି । ଦଳର ଉପସଭାପତି ଦେବୀ ପ୍ରସାଦ ମିଶ୍ର କହିଛନ୍ତି, ସେ ରାଜନୈତିକ ଉଦ୍ଦେଶ୍ୟ ରଖି ଏଭଳି ବୟାନବାଜି କରୁଛନ୍ତି । ପୂର୍ବରୁ ଯେଉଁଭଳି ମୁଖ୍ୟମନ୍ତ୍ରୀ ଦୁର୍ନୀତି ବିରୋଧରେ ଆଭିମୁଖ୍ୟ ରଖିଥିଲେ ଏବେ ବି ସମାନ ରହିଛି ।
ଗତକାଲି କଂଗ୍ରେସରେ ଯୋଗ ଦେବା ପରେ ମନୋରଂଜନ ମିଶ୍ର ଲାଇଭରେ ସାମିଲ ହୋଇ ମୁଖ୍ୟମନ୍ତ୍ରୀ କିଭଳି ବଦଳି ଯାଇଛନ୍ତି, ରାଜ୍ୟରେ କିଭଳି ଦୁର୍ନୀତି ବଢି ଚାଲିଛି ଏବଂ ବିଧାୟକ ଓ ମନ୍ତ୍ରୀ କିଭଳି ଅସହାୟ ହୋଇ ପଡିଛନ୍ତି କହିଥିଲେ ପୂର୍ବତନ ମୁଖ୍ୟ ଶାସନ ସଚିବ ।