“ଗୀତରେ ଗୀତରେ ପ୍ରଶାନ୍ତ ପାଢ଼ୀ” ସଙ୍ଗୀତ କାର୍ୟ୍ୟକ୍ରମ ରେ ଦୁଲୁକିଲା ରବୀନ୍ଦ୍ର ମଣ୍ଡପ

ଭୁବନେଶ୍ୱର (ଆମ ଟିଭି): ଓଡ଼ିଶାର ପ୍ରତିଷ୍ଠିତ କଣ୍ଠଶିଳ୍ପୀ ତଥା ସୁନାମଧନ୍ୟ ସଙ୍ଗୀତ ନିର୍ଦ୍ଦେଶକ ପ୍ରଶାନ୍ତ ପାଢ଼ୀ ଙ୍କର ଏକ ସୁନ୍ଦର ସଙ୍ଗୀତ ସଂଧ୍ୟା ଯାହା ଏସ ଏସ ମିଡ଼ିଆ କ୍ରିଏସନ ପ୍ରସ୍ତୁତି “ଗୀତରେ ଗୀତରେ ପ୍ରଶାନ୍ତ ପାଢ଼ୀ” ରବୀନ୍ଦ୍ର ମଣ୍ଡପ ଠାରେ ଅନୁଷ୍ଠିତ ହୋଇଯାଇଛି । ଏହି ସଙ୍ଗୀତ ଭିତ୍ତିକ କାର୍ୟ୍ୟକ୍ରମରେ ପ୍ରଶାନ୍ତ ପାଢ଼ୀ ଙ୍କ ଅନେକ ଚଳଚ୍ଚିତ୍ର ମଧ୍ୟରୁ କିଛି ଗୀତ ପରିବେଷଣ କରାଯାଇ ନୂଆ ପିଢ଼ୀ କଣ୍ଠଶିଳ୍ପୀଙ୍କୁ ଆଗକୁ ନେବାର ଏହା ଏକ ପ୍ରଚେଷ୍ଟା । ଦୀର୍ଘ ୩୮ ବର୍ଷ ଓଡ଼ିଆ ସଙ୍ଗୀତ କ୍ଷେତ୍ରରେ ବିତେଇଥିବା ପ୍ରଶାନ୍ତଙ୍କ ନିଆରା ଅନୁଭୂତିର ଏଇ ସଙ୍ଗୀତ ଭିତ୍ତିକ କାର୍ୟ୍ୟକ୍ରମ। ବିଭିନ୍ନ କ୍ଷେତ୍ରରେ ପ୍ରସିଦ୍ଧି ଅର୍ଜନ କରିଥିବା କିଛି ବ୍ୟକ୍ତିତ୍ବଙ୍କୁ ସମ୍ବର୍ଦ୍ଧିତ କରା ଯାଇଥିଲା ଏହି କାର୍ୟ୍ୟକ୍ରମ ମାଧ୍ୟମରେ । ଚଳିତ ବର୍ଷ ପଦ୍ମଶ୍ରୀ ଶ୍ୟାମାମଣୀ ଦେବୀ, ଦୀପ୍ତିମୟୀ ମହାନ୍ତି, ଜିଜ୍ଞାଶୀଷ ମହାପାତ୍ର, ଗଣେଶ ଜେନା, ଜିତୁ ମଙ୍ଗରାଜ ଏବଂ ଗୌରୀଶଙ୍କର ପଣ୍ଡା ଚଳିତ ବର୍ଷ ସମ୍ମାନିତ ହୋଇଛନ୍ତି । ଏହି ସନ୍ଧ୍ୟାରେ କଣ୍ଠଶିଳ୍ପୀ ବିଭୁ କିଶୋର, ମାନସ ପ୍ରିତମ୍, କୁଲଦୀପ ପଟ୍ଟନାୟକ, ପ୍ରଦୀପ ପଲେଇ, ସ୍ଵସ୍ତିକ ପାଢ଼ୀ, ଲିପ୍ସା ମହାପାତ୍ର, ଅର୍ପିତା ଚୌଧୁରୀ, ରୋଜାଲିନ୍ ମିଶ୍ର, ପ୍ରତିଭା ପ୍ରଧାନ ତଥା ଦେବାଂଶୀ ଦାଶ ପ୍ରମୁଖ ପ୍ରଶାନ୍ତ ପାଢ଼ୀଙ୍କ ସଙ୍ଗୀତ ନିର୍ଦ୍ଦେଶନାର ଗୀତ ପରିବେଷଣ କରିଥିଲେ ।

“ଗୀତରେ ଗୀତରେ” ସଙ୍ଗୀତ କାର୍ୟ୍ୟକ୍ରମ ରେ ଓଡ଼ିଆ ଭାଷା ସାହିତ୍ୟ ସଂସ୍କୃତି ବିଭାଗ ର ନିର୍ଦ୍ଦେଶକ ଶ୍ରୀଯୁକ୍ତ ରଞ୍ଜନ ଦାସ ଏବଂ ଆପିଏସ ସତ୍ୟଜିତ ନାୟକ (ଡିଆଇଜି ଅଫ ପୋଲିସ), ମୁଖ୍ୟ ଅତିଥିଭାବେ ଓ ସମ୍ମାନୀତ ଅତିଥି ଭାବେ ସୈ।ଭାଗ୍ୟ ମିଶ୍ର,ପ୍ରଯୋଜକ ଲିଟୁ ମହାନ୍ତି ସମ୍ମାନୀତ ଅତିଥି ଭାଵେ ଯୋଗଦେଇଥିଲେ କ୍ଷ “ଗୀତରେ ଗୀତରେ ପ୍ରଶାନ୍ତ ପାଢ଼ୀ” ନାମକ ଏକ ସ୍ମରଣିକା ଉନ୍ମୋଚନ ହୋଇଥିଲା । ଏହି କାର୍ୟ୍ୟକ୍ରମକୁ ସଂଯୋଜନା କରିଥିଲେ ଓଡ଼ିଶାର ଅତି ପରିଚିତା ଅଭିନେତ୍ରୀ ତଥା ଭଏସ ଓଭର ଆର୍ଟିଷ୍ଟ ରାକ୍ଷୀ ଦାଶ । ପ୍ରଚାର ପ୍ରସାର ଦାୟୀତ୍ୱ ରେ ଥିଲେ ମିଡ଼ିଆ ପ୍ଲାନର ମୁଖ୍ୟ ପ୍ରଣୟ ଜେଠୀ ।