ଭୁବନେଶ୍ୱର (ଆମ ଟିଭି): ନକଲି ଡାକ୍ତର ମାମଲାର ତଦନ୍ତ ଭାର ନେଲା ଇଡି । ନକଲି ଡାକ୍ତର ରମେଶ ସ୍ବାଇଁ ଠକେଇ ଘଟଣାର ହେବ ତଦନ୍ତ । ରମେଶର ଆର୍ଥିକ କାରବାରର ଖୋଳତାଡ଼ କରିବ ପ୍ରବର୍ତ୍ତନ ନିର୍ଦ୍ଦେଶାଳୟ । ଏନେଇ ଇଡି ପକ୍ଷରୁ ଏକ ମାମଲା ରୁଜୁ ହୋଇଛି । ଘଟଣାକୁ ନେଇ ପୂର୍ବରୁ ଇଡି କମିଶନରେଟ ପୋଲିସକୁ ମାଗିଥିଲା ତଥ୍ୟ ।
କମିସନରେଟ ପୋଲିସ ପକ୍ଷରୁ ରମେଶ ସ୍ବାଇଁର ସବୁ ତଥ୍ୟ ଇଡିକୁ ହସ୍ତାନ୍ତର କରାଯାଇଛି । ୨୭ ପତ୍ନୀ, ବ୍ୟବସାୟୀ, ଠିକାଦାରଙ୍କ ଠାରୁ ପ୍ରାୟ ୧୦କୋଟିରୁ ଅଧିକ ଟଙ୍କା ଠକିଥିବା ଅଭିଯୋଗ ରହିଛି । ଓଡ଼ିଶା ଛଡ଼ା, କୋଲକାତା, ଗୌହ୍ବାଟି, ପଞ୍ଜାବ, ଦିଲ୍ଲୀ, କେରଳ ଯାଏ ଲମ୍ବିଛି ରମେଶର ଠକେଇର ଚେର । ୨୦୦୬ରେ ମେଡିକାଲ କଲେଜରେ ନାମ ଲେଖା ନାଁରେ ରମେଶ ୧ କୋଟିରୁ ଅଧିକ ଟଙ୍କାର ଚୁନା ଲଗାଇଥିଲା ।