ନୂଆଦିଲ୍ଲୀ (ଆମ ଟିଭି): କ୍ରିକେଟ୍ ଜଗତରୁ ଦୁଃଖଦ ଖବର । ମ୍ୟାଚ୍ ଜିତିବା ପରେ ଚାଲିଥିଲା ସେଲିବ୍ରେସନ୍ । ଆଉ ମଜାମସ୍ତି ଭିତରେ ହିଁ ଟଳିପଡିଲେ କ୍ରିକେଟର୍ । ତାଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ସେଠାରେ ପରଲୋକ ଘଟିଥିବା ସୂଚନା ମିଳିଛି । ମାତ୍ର ୩୪ ବର୍ଷ ବୟସରେ କର୍ଣ୍ଣାଟକ କ୍ରିକେଟର କେ. ହୋୟସାଲା (K. Hoysala)ଙ୍କ ପରଲୋକ ଘଟିଛି ।
ମିଳିଥିବା ସୂଚନା ଅନୁସାରେ, ଏଗିସ୍ ସାଉଥ ଜୋନ୍ ଟୁର୍ନାମେଣ୍ଟରେ ଏକ ମ୍ୟାଚ୍ ଜିତିଥିଲା କର୍ଣ୍ଣାଟକ । ଆଉ ସେହି ଖୁସିରେ ସାଥୀ ଖେଳାଳି ଏବଂ ଟିମ୍ ସଦସ୍ୟ ସେଲିବ୍ରେସନ କରିଥିଲେ । ପରେ ହଠାତ୍ ଛାତିରେ ଯନ୍ତ୍ରଣା ଅନୁଭବ କରିଥିଲେ କୋ ହୋୟସାଲା । ତାଙ୍କୁ ତୁରନ୍ତ ସାଥୀ ଖେଳାଳି ହସ୍ପିଟାଲ ନେଇଥିଲେ ହେଁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।