ଓକିଲଙ୍କ ଜରିଆରେ ବର୍ଷାଙ୍କ ପାଖକୁ ଶ୍ରୀମଦ୍ଭାଗବତ ଗୀତା ପଠାଇଲେ ଅନୁଭବ
କଟକ(ଆମ ଟିଭି): ଓକିଲଙ୍କ ଜରିଆରେ ପତ୍ନୀ ବର୍ଷା ପ୍ରିୟଦର୍ଶିନୀଙ୍କୁ ଶ୍ରୀମଦ୍ଭାଗବତ ଗୀତା ପଠାଇଲେ ସାଂସଦ ଅନୁଭବ ମହାନ୍ତି । ଏହାକୁ ପଢି ନିଜକୁ ଶାନ୍ତ କରିବା ସହ ଆମ ପରିବାର ଲୋକଙ୍କୁ ଶାନ୍ତିରେ ରହିବାକୁ ଦିଅନ୍ତୁ ବୋଲି ସେ ଅନୁରୋଧ କରିଛନ୍ତି। ଆଜି କଟକ SDJM କୋର୍ଟରେ ମାମଲାର ଶୁଣାଣି ପରେ ଅନୁଭବ ଏହି ଗ୍ରନ୍ଥ ଓକିଲଙ୍କ ହାତରେ ପଠାଇଛନ୍ତି।
କହିରଖୁ କି, ଅଭିନେତ୍ରୀ ବର୍ଷା ପ୍ରିୟଦର୍ଶନୀ ଓ ସାଂସଦ ଅନୁଭବ ମହାନ୍ତିଙ୍କ ବିଚ୍ଛେଦ ମାମଲାରେ ଅନୁଭବ ମହାନ୍ତି କଟକ ପାରିବାରିକ ଅଦାଲତରେ ହାଜର ହୋଇ ସାକ୍ଷ ପ୍ରଦାନ କରିଥିଲେ। ବର୍ଷାଙ୍କ ଓକିଲ ଅନୁଭବଙ୍କୁ ଦୀର୍ଘ ସମୟ ଧରି ଜେରା କରିଥିଲେ। ଏହା ପରେ ସେ ଏହି ଗ୍ରନ୍ଥ ପଠାଇଥିଲେ। ଯାହା ଅଲୋଚନାର ବିଷୟ ହୋଇଛି।ଅନ୍ୟପଟେ ଅନୁଭବଙ୍କ ଘର ଛାଡ଼ିବା ନିର୍ଦ୍ଦେଶ ଉପରେ କଟକ ଜିଲ୍ଲାଜଜ୍ଙ୍କ ଅଦାଲତରେ ହୋଇଥିବା ବର୍ଷାଙ୍କ ଅନ୍ୟ ଏକ ଆବେଦନର ଶୁଣାଣି ଆଜି ହୋଇପାରିନାହିଁ। ପୁର୍ବରୁ ଅନୁଭବଙ୍କ ଘର ଛାଡ଼ି ବିକଳ୍ପ ରହଣି ବ୍ୟବସ୍ଥା କରିବାକୁ ବର୍ଷାଙ୍କୁ SDJM ନିର୍ଦ୍ଦେଶ ଦେଇଥିଲେ। ଏହା ଉପରେ ରୋକ ଲଗାଇବା ନେଇ ଜିଲ୍ଲାଜଜ୍ କୋର୍ଟରେ ଆଜି ଶୁଣାଣି ପାଇଁ ଦିନ ଧର୍ଯ୍ୟ ହୋଇଥିଲା। ପୂର୍ବରୁ SDJMଙ୍କ ନିର୍ଦ୍ଦେଶ ଉପରେ ଜିଲ୍ଲାଜଜ ଅନ୍ତରିଣ ସ୍ଥଗିତଦେଶ ଜାରି କରିବା ସହ ପୁନର୍ବାର ଶୁଣାଣି ପାଇଁ ଆଜିକୁ ଦିନ ଧର୍ଯ୍ୟ କରିଥିଲେ।