ହାଇଦ୍ରାବାଦ(ଆମ ଟିଭି): ତେଲେଙ୍ଗାନା ସିକନ୍ଦରାବାଦରେ ଭୟଙ୍କର ଅଗ୍ନିକାଣ୍ଡ । ସ୍ୱପ୍ନାଲୋକ୍ କମ୍ପେ୍ଲକ୍ସର ୩ମହଲା ବିଲ୍ଡିରେ ନିଆଁ ଲାଗିଛି । ଭୟଙ୍କର ଅଗ୍ନିକାଣ୍ଡରେ ୬ ଜଣ ଜୀବନ୍ତ ଦଗ୍ଧ ହୋଇଛନ୍ତି । ମୃତକଙ୍କ ମଧ୍ୟରେ ୪ଜଣ ଝିଅ ଓ ୨ଜଣ ପୁଅ ଥିବା ସୂଚନା ମିଳିଛି । ୬ଜଣଙ୍କୁ ଅଗ୍ନିଶମ କର୍ମଚାରୀ ଉଦ୍ଧାର କରିଛନ୍ତି ।
ବିଲଡିଂରେ ନିଆଁ ଲାଗିଯିବାରୁ ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଥିଲା। ଏହା ପରେ ଅଗ୍ନିଶମ ବିଭାଗର କର୍ମଚାରୀମାନେ ଅନେକ ଅଗ୍ନିଶମ ଇଞ୍ଜିନ ସହିତ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇ ଲୋକଙ୍କୁ କମ୍ପ୍ଲେକ୍ସରୁ ବାହାର କରିଥିଲେ। ଉଦ୍ଧାରକାରୀ ଦଳ ହାଇଡ୍ରୋଲିକ୍ କ୍ରେନ୍ ସାହାଯ୍ୟରେ ଲୋକଙ୍କୁ ଟାଣି ନେଇଥିଲେ। ସୂଚନା ଅନୁଯାୟୀ, କମ୍ପ୍ଲେକ୍ସର ତୃତୀୟ ମହଲାରେ ଫସି ରହିଥିବା ୭ ଜଣଙ୍କୁ ଉଦ୍ଧାରକାରୀ ଦଳ ମହିଳାଙ୍କ ସମେତ ହାଇଡ୍ରୋଲିକ୍ କ୍ରେନ୍ ସାହାଯ୍ୟରେ ସୁରକ୍ଷିତ ଭାବେ ବାହାରକୁ ନେଇଛନ୍ତି।
ଶ୍ୱାସରୁଦ୍ଧ ହୋଇ ମୃତ୍ୟୁ
କିଛି ଲୋକ ବିଲ୍ଡିଂର ଚତୁର୍ଥ ଏବଂ ପଞ୍ଚମ ମହଲାରେ ମଧ୍ୟ ଫସି ରହିଥିଲେ। ତାଙ୍କୁ ନିରାପଦରେ ସ୍ଥାନାନ୍ତର କରିବାକୁ ଚେଷ୍ଟା କରାଯାଇଥିଲା, କିନ୍ତୁ ନିଆଁ ଲାଗିବା ହେତୁ ସେ ବାଥରୁମରେ ଲୁଚି ରହିଥିଲେ, ଯେଉଁଥିପାଇଁ ତାଙ୍କୁ ଦେଖିପାରିନଥିଲେ। ପରେ ଉଦ୍ଧାରକାରୀ ଦଳ ୬ ଜଣଙ୍କୁ ଚେତାଶୂନ୍ୟ ଅବସ୍ଥାରେ ପାଇଥଲେ। ଏହା ପରେ ସେମାନଙ୍କୁ ଆମ୍ବୁଲାନ୍ସ ଯୋଗେ ଡାକ୍ତରଖାନା ନିଆଯାଇଥିଲା ଯେଉଁଠାରେ ଡାକ୍ତରମାନେ ମୃତ ଘୋଷଣା କରିଥିଲେ। ମୃତ୍ୟୁର କାରଣକୁ ଡାକ୍ତରମାନେ ଶ୍ୱାସରୁଦ୍ଧ କରିଛନ୍ତି। ଏହା ସହିତ ବାକି ଆହତମାନେ ଡାକ୍ତରଖାନାରେ ଚିକିତ୍ସିତ ହେଉଛନ୍ତି।