ନୂଆଦିଲ୍ଲୀ (ଆମ ଟିଭି): ହୁ ହୁ ହୋଇ ବଢିବାରେ ଲାଗିଛି ଆଦାନୀ ଗ୍ରୁପର ସମ୍ପତ୍ତି । ଧୀରେ ଧୀରେ ଦୁନିଆର ଶୀର୍ଷ ୧୦ ଧନଶାଳୀ ବ୍ୟକ୍ତିଙ୍କ ତାଲିକାରେ ଲଗାତାର ଉପରକୁ ଉଠି ଚାଲିଛନ୍ତି ଗୌତମ ଅଦାନୀ । ସେ ଆମାଜନର ଜେଫ ବେଜୋସଙ୍କୁ ପଛରେ ପକାଇ ପୁଣି ଥରେ ତୃତୀୟ ସ୍ଥାନ ଦଖଲ କରିଛନ୍ତି। ଏବେ ତାଙ୍କର ନଜର ଦ୍ଵିତୀୟ ସ୍ଥାନ ଉପରେ ରହିଛି। ବର୍ତ୍ତମାନ ଦୁନିଆର ଦ୍ଵିତୀୟ ସବୁଠୁ ବଡ ବିତ୍ତଶାଳୀ ବ୍ୟକ୍ତି ବର୍ଣ୍ଣାର୍ଡ ଆରନଲ୍ଟ ଏବଂ ଗୌତମ ଅଦାନୀଙ୍କ ମଧ୍ୟରେ ବ୍ୟବଧାନ ବହୁତ କମ ରହିଛି।
ଫୋବର୍ସର ରିୟଲ ଟାଇମ ବିଲେନିୟର୍ସ ଇଣ୍ଡେକ୍ସ ଅନୁଯାୟୀ, ଅଦାନୀ ଗ୍ରୁପର ଚେୟାରମ୍ୟାନ ଗୌତମ ଅଦାନୀଙ୍କ ମୋଟ୍ ସଂପତ୍ତିର ପରିମାଣ ବଢି ୧୪୮.୮ ବିଲିୟନ ଡଲାରରେ ପହଞ୍ଚିଛି। ଏଥିସହ ସେ ଶୀର୍ଷ-୧୦ ତାଲିକାରେ ପୁଣି ଥରେ ତୃତୀୟ ସ୍ଥାନକୁ ଉଠିଛନ୍ତି। ବିଗତ ଦିନରେ ଫ୍ରାନ୍ସର ବିଲେନିୟର ବର୍ଣ୍ଣାର୍ଡ ଆରନଲ୍ଟଙ୍କୁ ପଛରେ ପକାଇ ଅଦାନୀ ତୃତୀୟ ସ୍ଥାନକୁ ଉଠିଥିଲେ। ତେବେ ଆରନଲ୍ଟଙ୍କ ସଂପତ୍ତିରେ ବୃଦ୍ଧି କାରଣରୁ ବର୍ତ୍ତମାନ ସେ ଦ୍ଵିତୀୟ ସ୍ଥାନରେ ରହିଛନ୍ତି। ତେଣୁ ଏହି ଦ୍ୱୀତୀୟ ସ୍ଥାନ ଖୁବଶିଘ୍ର ନେଇପାରନ୍ତି ଗୌତମ ଆଦାନୀ ।