ବ୍ରଜରାଜନଗରରେ ଚାଲିଛି ହାଇଭୋଲଟେଜ ପ୍ରଚାର

ବ୍ରଜରାଜନଗର(ଆମ ଟିଭି): ବ୍ରଜରାଜନଗର ଉପନିର୍ବାଚନ ପାଇଁ ହାତରେ ଅଛି ଆଉ ମାତ୍ର ୪ ଦିନ । ଏହାରି ମଧ୍ୟରେ ବିଭିନ୍ନ ରାଜନୈତିକ ଦଳଙ୍କ ପ୍ରଚାରରେ ଉଠୁଛି ପଡ଼ୁଛି ଗାଁଠୁ ସହର । ତିନିଦଳର ହେଭିଓ୍ୱେଟ୍ ନିଜ ନିଜ ପ୍ରାର୍ଥୀଙ୍କ ପାଇଁ ଭୋଟ ନିବେଦନ କରୁଛନ୍ତି । ବିଜେଡି ପ୍ରାର୍ଥୀ ଅଳକା ମହାନ୍ତିଙ୍କ ପାଇଁ ମଇଦାନରେ ବରିଷ୍ଠ ନେତା ଜୋରଦାର ପ୍ରଚାର କରୁଛନ୍ତି । ନିର୍ବାଚନ ମଣ୍ଡଳୀରେ ବିଭିନ୍ନ ଉନ୍ନତୀମୂଳକ କାମ ସହ ରାଜ୍ୟ ସରକାରଙ୍କ ବିଭିନ୍ନ ଜନ କଲ୍ୟାଣକାରୀ ଯୋଜନା ନେଇ ଲୋକଙ୍କ ନିକଟରେ ପହଞ୍ଚୁଛି ବିଜେଡି । ବିଜେପିର ବହୁ ଟାଣୁଆ ନେତା ମଧ୍ୟ ବ୍ରଜରାଜନଗରେ ଡେରା ପକେଇଛନ୍ତି । ଗତକାଲି କେନ୍ଦ୍ରମନ୍ତ୍ରୀ ଧର୍ମେଣ ପ୍ରଧାନ ପ୍ରଚାର ମୈଦାନକୁ ଉହ୍ଲେଇଥିବା ବେଳେ ଆଜି ଅନେକ ଟାଣୁଆ ନେତା ଦଳକୁ ଜିତେଇବାକୁ ଆପ୍ରାଣ ଉଦ୍ୟମ ଚଳେଇଛନ୍ତି । କଂଗ୍ରେସ ବିଭିନ୍ନ ମୁଦ୍ଧା ନେଇ ଭୋଟରଙ୍କ ପାଖରେ ପହଂଚୁଛନ୍ତି । ସେପଟେ କଂଗ୍ରେସ ବି ପ୍ରଚାରରେ କୋଉ ପଛରେ ପଡ଼ିନି । ଦଳ ଏଥର ଉନନିର୍ବାଚନକୁ ଗୁରୁତର ସହ ନେଇଛି । । ପୂର୍ବତନ ପିସିସି ସିଭାପତି ନିରଞ୍ଜନ ପଟ୍ଟନାୟକଙ୍କ ସମେତ ବହୁ ଟାଣୁଆ ନେତା ମଧ୍ୟ ପ୍ରଚାରରେ ନିଜକୁ ସାମିଲ କରିଛନ୍ତି ।