ଗିରଫ କରିବା ପାଇଁ ଇମ୍ରାନ୍ ଖାଁଙ୍କୁ ଖୋଜୁଛି ପୋଲିସ
ଇସଲାମାବାଦ (ଆମ ଟିଭି): ଇମ୍ରାନ୍ ଖାଁଙ୍କ ପାଇଁ ଦିନକୁ ଦିନ ଅଡୁଆ ବଢ଼ିବାରେ ଲାଗିଛି। ବିଦ୍ବେଷ ସୃଷ୍ଟିକାରୀ ଭାଷଣ ମାମଲାରେ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ୍ ଖାଁଙ୍କୁ ଗିରଫ କରିବା ଲାଗି କ୍ବେଟ୍ଟା ପୁଲିସ ଟିମ୍ ଲାହୋରରେ ପହଞ୍ଚିଥିବା କଥା ‘ଜିଓ ନିଉଜ୍’ ରିପୋର୍ଟ କରିଛି।
ସରକାରୀ ପ୍ରତିଷ୍ଠାନଗୁଡ଼ିକ ବିରୋଧରେ ଜନତାଙ୍କୁ ମତାଇବା ମାମଲାରେ ଦକ୍ଷିଣପଶ୍ଚିମ ପାକିସ୍ତାନର ଏକ ଅଦାଲତ ଜାମିନବିହୀନ ପର୍ୱାନା ଜାରି କରିବାର ଦିନକ ପରେ ପୁଲିସ ଏଭଳି କାର୍ଯ୍ୟାନୁଷ୍ଠାନ ଆରମ୍ଭ କରିଛି। ‘ତେହ୍ରୀକ୍-ଇ-ଇନ୍ସାଫ୍’ର ମୁଖ୍ୟ ତଥା ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ୍ ଖାଁଙ୍କୁ ଅଟକ ରଖି ଅଦାଲତରେ ହାଜର କରିବା ଲାଗି ଅଦାଲତ ସରକାରୀ କର୍ତ୍ତୃପକ୍ଷଙ୍କୁ ନିର୍ଦେଶ ଦେଇଛନ୍ତି।‘ ସିସିପିଓ’ ବିଲାଲ୍ ସିଦ୍ଦିକି କାମିୟାନା ସୁନିଶ୍ଚିତ କରି କହିଛନ୍ତି ଯେ, ଗିରଫ ପର୍ୱାନା ନେଇ ଯାଇଥିବା କ୍ବେଟ୍ଟା ପୁଲିସ ଟିମ୍ ଲାହୋର୍ରେ ପହଞ୍ଚିସାରିଛି।