ଭୁବନେଶ୍ୱର(ଆମ ଟିଭି): ଲଗାତର ଭାବେ ସରକାରଙ୍କୁ ଟାର୍ଗେଟ କରୁଛନ୍ତି ବିରୋଧୀ ଦଳ ନେତା ଜୟନାରାୟଣ ମିଶ୍ର । ଏହାରି ଭିତରେ ବିରୋଧୀ ଦଳ ନେତା ଜୟନାରାୟଣ ମିଶ୍ରଙ୍କୁ ବିଜେଡିର କଡା ସମାଲୋଚନା । ଜୟନାରାୟଣଙ୍କ ବିବୃତିକୁ ନେଇ ବର୍ଷିଛନ୍ତି ବିଜେଡି ମୁଖପାତ୍ର ଲେନିନ ମହାନ୍ତି । କହିଛନ୍ତି- ଜୟନାରାୟଣ ବିରୋଧୀ ଦଳର ନେତା ନୁହନ୍ତି, ସେ ଓଡିଶା ବିରୋଧୀ ନେତା । ଏଥିରୁ ତାଙ୍କୁ ଖୁସି ମିଳେ। ଜଣେ ଓଡିଆ ହୋଇ ଓଡିଶାର ଉନ୍ନତି ଚାହାନ୍ତି ନାହିଁ । ଓଡ଼ିଶାର ବିକାଶ ତାଙ୍କର ଆଖିରେ ଯାଉନାହିଁ।
ଓଡିଶାବାସୀ ସବୁବେଳେ ତାଙ୍କୁ ଓ ତାଙ୍କ ଦଳକୁ ତିରସ୍କାର କରିଆସୁଛନ୍ତି । ବିରୋଧୀ ଦଳର ନେତା ହେଉଛନ୍ତି ଓଡ଼ିଶାର ଅରାଜକତାର ମୁଖ୍ୟ । ଆଇନ ଫାଶରୁ ଖସିଵା ପାଇଁ ସେ ମିଛ କହିବା ଓ କଟୁ ଟିପ୍ପଣୀ ଦେଇ ଚାଲିଛନ୍ତି । ବିଧାନସଭା ସମୟରେ ବିରୋଧୀ ଦଳ ନେତା ଭାବେ ତାଙ୍କର ଆଚରଣରୁ ଏହା ସ୍ପଷ୍ଟ ହୋଇଛି ବୋଲି କହିଛନ୍ତି ଲେନିନ ।