ଦୀପାବଳି ସୁଦ୍ଧା ଦେଶରେ ଜିଓ-୫ଜି ସେବା

ନୂଆଦିଲ୍ଲୀ (ଆମ ଟିଭି): ସାରା ଦେଶବାସୀ ୫ଜିି ସେବାକୁ ଅପେକ୍ଷା କରି ରହିଛନ୍ତି । ଏହାକୁ ନେଇ ସମସ୍ତେ ଅପେକ୍ଷା କରିଛନ୍ତି । ଏହାରି ଭିତରେ ଆସିଛି ଏକ ବଡ଼ ଖବର । ରିଲାଏନ୍ସ ଚେୟାରମ୍ୟାନ୍ ମୁକେଶ ଅମ୍ବାନୀ ରିଲାଏନ୍ସର ବାର୍ଷିିକ ସାଧାରଣ ବୈଠକରେ ଜିଓ ୫ଜି ସେବାର ଘୋଷଣା କରିଛନ୍ତି । ଜିଓ ୫ଜି ସର୍ଭିସ ସେବା ଦିପାବଳୀ ଠାରୁ ଆରମ୍ଭ ହେବ । ଦେଶରେ କିଛି ସହରରେ ଏହା ଉପଲବ୍ଧ ହେବ । କିନ୍ତୁ ଆସନ୍ତା ବର୍ଷ ଶେଷ ବେଳକୁ ଏହା ପୂରା ଦେଶରେ ଉପଲବ୍ଧ ସେବା ଯୋଗାଇବ ।

ମୁକେଶ ଅମ୍ବାନୀ କହିଛନ୍ତି ଯେ ପ୍ରାରମ୍ଭିକ ପର୍ୟ୍ୟାୟରେ ୫ଜି ସେବା ଦିଲ୍ଲୀ, ମୁମ୍ବାଇ, ଚେନ୍ନାଇ, କୋଲକାତାରେ ମିଳିବ । ଏବଂ ୨୦୨୩ ଡିସେମ୍ବର ସୁଦ୍ଧା କମ୍ପାନୀ ସାରାଦେଶରେ ୫ଜି ସର୍ଭିସ ଆରମ୍ଭ କରିଦେବ । ମୁକେଶ ଅମ୍ବାନୀ କହିଛନ୍ତି ରିଲାଏନ୍ସ ଜିଓ ୫ଜି ସେବା ପାଇଁ କମ୍ପାନୀର ଭିତ୍ତିଭୂମି ପ୍ରସ୍ତୁତ କରିସାରିଛି । ତେବେ ପରବର୍ତ୍ତୀ ସମୟରେ ୫ଜି ପ୍ଲାନ ଏବଂ ଏହାର ସିମ୍ କିପରି ମିଳିବ ସେନେଇ ସୂଚନା ଜାରିକରାଯିବ ।