କର୍ଣ୍ଣାଟକ ନାଟକରେ ପଡ଼ିଲା ଯବନିକା, ଡି.କେ ଶିବକୁମାରଙ୍କ ସହ ସାକ୍ଷାତ ପରେ ସିଦ୍ଧରମୈୟାଙ୍କ ସ୍ପଷ୍ଟୋକ୍ତି

କର୍ଣ୍ଣାଟକରେ ଦୀର୍ଘ ଦିନ ଧରି ଚାଲିଥିବା କ୍ଷମତା ସଂଘର୍ଷର ସମାଧାନ । ଦିଲ୍ଲୀରେ ଶୀର୍ଷ ନେତୃତ୍ୱଙ୍କ ହସ୍ତକ୍ଷେପ ପରେ ବିବାଦ ଅନ୍ତ ହୋଇଥିବା ମନେ ହେଉଛି । ମୁଖ୍ୟମନ୍ତ୍ରୀ ସିଦ୍ଧରମୈୟା ଓ ଉପମୁଖ୍ୟମନ୍ତ୍ରୀ ଡିକେ ଶିବକୁମାରଙ୍କ ମଧ୍ୟରେ ଅଲ୍ ଇଜ୍ ଓ୍ୱେଲ୍ । ଏଥିପାଇଁ ଶନିବାର ବେଙ୍ଗାଲୁରୁରେ ବସିଥିଲା ଗୁରୁତ୍ୱପୂର୍ଣ୍ଣ ବୈଠକ । ଦୁଇ ନେତା ମୁଖ୍ୟମନ୍ତ୍ରୀଙ୍କ ବାସଭବନରେ ଏକ ବ୍ରେକ୍ ଫାଷ୍ଟ ମିଟିଂ କରିଥିଲେ ।

ଏହି ବୈଠକକୁ କର୍ଣ୍ଣାଟକର କ୍ଷମତା ରାଜନୀତିରେ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ।କର୍ଣ୍ଣାଟକ ମନ୍ତ୍ରୀ ପ୍ରିୟାଙ୍କ ଖରଗେ କହିଛନ୍ତି ଯେ କଂଗ୍ରେସ ଦଳ ସଠିକ୍ ସମୟରେ ହସ୍ତକ୍ଷେପ କରିଛି । ମାମଲାକୁ ପରିଚାଳନା କରିଛି। ସେ ଏହାକୁ ଦଳୀୟ ନେତୃତ୍ୱର “ସମୟବୋଧ” ବୋଲି କହିଛନ୍ତି । ଏହି ସମୟରେ, ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କ ପୁଅ ଯତୀନ୍ଦ୍ର ସିଦ୍ଧରମୈୟା କହିଛନ୍ତି ଯେ ନେତୃତ୍ୱ ପରିବର୍ତ୍ତନ ସମ୍ପର୍କରେ ହାଇକମାଣ୍ଡଙ୍କଠାରୁ କୌଣସି ନିର୍ଦ୍ଦେଶ ମିଳିନାହିଁ । ଯାହା ସ୍ପଷ୍ଟ ଭାବରେ ସୂଚାଇ ଦେଉଛି ଯେ ଏହି ସମୟରେ ମୁଖ୍ୟମନ୍ତ୍ରୀ ପରିବର୍ତ୍ତନ ପାଇଁ କୌଣସି ନିଷ୍ପତ୍ତି ନିଆଯାଇନାହିଁ।