ପୁରୀ (ଆମ ଟିଭି): ଘୋଷଯାତ୍ରା ପାଇଁ ପୁରୀ ବଡଦାଣ୍ଡରେ ଅଗ୍ନିଶମ, ଆମ୍ବୁଲାନ୍ସ, ଏନଡିଆରଏଫ୍, ଓଡ୍ରାଫ, ରେଡକ୍ରସ, ପୋଲିସ୍ ବିଭାଗକୁ ନେଇ ଚାଲିଛି ମକଡ୍ରିଲ। ଘୋଷଯାତ୍ରାକୁ ଆଉ ମାତ୍ର ୪ଦିନ ବାକିଥିବା ବେଳେ ସମସ୍ତ ବିଭାଗର କର୍ମଚାରୀ ମାନେ ଦେଖାଇଛନ୍ତି ତତ୍ପରତା। ବିଭିନ୍ନ ବିଭାଗର ପୂର୍ବ ପ୍ରସ୍ତୁତି ଜାରି ରହିଥିବା ବେଳେ ଭକ୍ତମୟ ପରିବେଶରେ ରଥଯାତ୍ରା ହେବାକୁ ଯାଉଥିବାରୁ ଭକ୍ତଙ୍କ ସ୍ୱାସ୍ଥ୍ୟ ଠାରୁ ଆରମ୍ଭ କରି ସୁରକ୍ଷା ପର୍ୟ୍ୟନ୍ତ ଦୃଷ୍ଟିରେ ରଖି ସମ୍ପୃକ୍ତ ସମସ୍ତ ବିଭାଗ ପକ୍ଷରୁ ଆରମ୍ଭ ହୋଇଛି ମକଡ୍ରିଲ୍।
ରଥଯାତ୍ରାରେ ଦଳାଚକଟା ପରିସ୍ଥିତି ହେଉ କିମ୍ବା କୌଣସି ଭକ୍ତ ଶ୍ରଦ୍ଧାଳୁ ଆହତ ହୁଅନ୍ତୁ କିମ୍ବା ଭକ୍ତଙ୍କ ସହ କୌଣସି ଅପ୍ରୀତିକର ପରିସ୍ଥିତି ସୃଷ୍ଟି ହେଲେ କିଭଳି ଯୁଦ୍ଧକାଳୀନ ଭିତ୍ତିରେ ସେମାନଙ୍କୁ ପ୍ରାଥମିକ ଆଶୁ ଚିକିତ୍ସା ଯୋଗାଇବା ସହ ଆମ୍ବୁଲାନ୍ସ ଯୋଗେ ମେଡିକାଲ ନିଆଯିବ ସେନେଇ ସମସ୍ତ ବିଭାଗ ଦେଖାଇଥିଲେ ନିଜର ରଣକୌଶଳ ।