ନୂଆଦିଲ୍ଲୀ (ଆମ ଟିଭି): ରାହୁଲଙ୍କ ନେତୃତ୍ୱରେ ଭାରତ ଯୋଡୋ ଯାତ୍ରା ଚାଲିଥିବା ବେଳେ ଏହା ମଧ୍ୟରେ ଏକ ବଡ଼ ବିବୃତି ଦେଇଛନ୍ତି ରାହୁଲ ଗାନ୍ଧୀ । ରାହୁଲ ଗାନ୍ଧୀ ମୋରାଦାବାଦ ଏବଂ ଉତ୍ତରାଖଣ୍ଡରେ ଯୁବତୀଙ୍କ ସହ ଘଟିଥିବା ଘଟଣାକୁ ନେଇ ଉଦବେଗ ପ୍ରକାଶ କରିଛନ୍ତି। ସେ କହିଛନ୍ତି ଯେ ଏହି ଘଟଣା ହୃଦୟକୁ ଥରାଇ ଦେଇଛି ଏବଂ ଦେଶର ମହିଳା ସୁରକ୍ଷିତ ରହିଲେ ହିଁ ଭାରତ ଆଗକୁ ବଢିବ । ରାହୁଲ ଗାନ୍ଧୀ କହିଛନ୍ତି, “ମୋରାଦାବାଦ ଏବଂ ଉତ୍ତରାଖଣ୍ଡରେ ଯୁବତୀମାନଙ୍କ ସହ ଘଟିଥିବା ଘଟଣା ସମସ୍ତଙ୍କ ହୃଦୟକୁ ଥରାଇ ଦେଇଛି। ଭାରତ ଯୋଡ ଯାତ୍ରାରେ ମୁଁ ଅନେକ ପ୍ରତିଭାବାନ ବାଳିକା ଏବଂ ମହିଳାଙ୍କୁ ଭେଟୁଛି ଓ ସେମାନଙ୍କ କଥା ଶୁଣୁଛି ।
ବାସ୍ତବରେ ଉତ୍ତରାଖଣ୍ଡର ରିସର୍ଟ ରିସେପ୍ସନିଷ୍ଟଙ୍କ ଅଙ୍କିତା ଭଣ୍ଡାରୀ ହତ୍ୟା ମାମଲାରେ ୩ ଅଭିଯୁକ୍ତଙ୍କୁ ଗିରଫ କରାଯାଇଥିଲା ଜ୍ଝ ବ୍ୟକ୍ତିଗତ ବିବାଦ କାରଣରୁ ସେମାନେ ‘ରିସପ୍ସନିଷ୍ଟ୍’ଙ୍କୁ ରିସର୍ଟ ନିକଟରେ ପ୍ରବାହିତ କେନାଲ୍କୁ ଠେଲି ଦେଇଥିଲେ। କେନାଲରେ ବୁଡ଼ି ସେ ପ୍ରାଣ ହରାଇଥିଲେ। ଆଉ ଚିଲ୍ଲା ପାୱାର୍ ହାଉସ୍ ନିକଟରୁ ପୁଲିସ ରିସେପ୍ସନିଷ୍ଟ୍ଙ୍କ ଶବ ଉଦ୍ଧାର କରିଥିଲା ଜ୍ଝ ଏହା ସହିତ ଉତ୍ତରପ୍ରଦେଶର ମୋରାଦାବାଦରେ ଏକ ଭିଡିଓ ସାମ୍ନାକୁ ଆସିଥିଲା, ଯେଉଁଥିରେ ଜଣେ ଯୁବତୀ ବିନା ପୋଷାକରେ ରାସ୍ତାରେ ଯାଉଥିବା ଦେଖିବାକୁ ମିଳିଥିଲା ଜ୍ଝ