ଭଣ୍ଡାରୀପୋଖରୀ(ଆମ ଟିଭି): ପୁଣି ଓଲଟିଲା ବସ୍ । କୋଲକାତାରୁ ପର୍ୟ୍ୟଟକଙ୍କୁ ନେଇ ପୁରୀ ଯାଉଥିବା ଏକ ବସ ଦୁର୍ଘଟଣାଗ୍ରସ୍ତ ହୋଇଛି । ଭଦ୍ରକ ଜିଲ୍ଲା ଭଣ୍ଡାରିପୋଖରୀ ପେଟ୍ରୋଲ ପମ୍ପ ନିକଟରେ ଏହି ଯାତ୍ରୀବାହୀ ବସ ଓଲଟିପଡିଛି । ଏହି ଦୁର୍ଘଟଣାରେ ଅନେକ ଯାତ୍ରୀ ଆହତ ହୋଇଥିବାବେଳେ ସ୍ଥାନୀୟ ଦମକଳ ବାହିନୀ ଉଦ୍ଧାର କାର୍ୟ୍ୟରେ ଲାଗିଛି। ମିଳିଥିବା ସୂଚନା ମୁତାବକ ପ୍ରାୟ ୪୦ରୁ ଅଧିକ ପର୍ୟ୍ୟଟକଙ୍କୁ ନେଇ ରୁକ୍ମିଣୀ ନାମକ ବସ କୋଲକାତାରୁ ପୁରୀ ଯାଉଥିଲା ।
ତେବେ ୧୬ନଂ ଜାତୀୟ ରାଜପଥର ଛତାବର ନିକଟରେ ଆଜି ସକାଳ ପ୍ରାୟ ୧୦ଟା ସମୟରେ ଏହି ଟୁରିଷ୍ଟ ବସ ଓଲଟି ପଡିଥିଲା । ବସଟି ଭାରସାମ୍ୟ ହରାଇ ଛତାବର ପେଟ୍ରୋଲ ପମ୍ପ ନିକଟରେ ଓଲଟି ପଡିଥିବାବେଳେ ଏଥିରେ ପ୍ରାୟ ୪୦ରୁ ଉର୍ଦ୍ଧ୍ବ ଯାତ୍ରୀ ଥିବାବେଳେ ଅନେକ ଆହତ ମଧ୍ୟ ହୋଇଛନ୍ତି। ସ୍ଥାନୀୟ ଲୋକ, ପୁଲିସ ଓ ଦମକଳ ବାହିନୀ ଦ୍ୱାରା ଉଦ୍ଧାର କାର୍ୟ୍ୟରେ ନିୟୋଜିତ ହୋଇଛନ୍ତି ।