ବିରୋଧୀ ଦଳ ବୈଠକରେ ନୀତିଙ୍କୁ ମିଳିବ ଗୁଗୁଦାୟିତ୍ୱ !
ନୂଆଦିଲ୍ଲୀ: ୨୦୨୪ ଲୋକସଭା ନିର୍ବାଚନ ପୂର୍ବରୁ ଏକ ଅଣ ବିଜେପି ମେଣ୍ଟ ଗଠନ ପାଇଁ ଆରମ୍ଭ ହୋଇଥିବା ପ୍ରୟାସ ମୁତାବକ ଆଜି ବିହାରର ପାଟନାରେ ପ୍ରଥମ ବୈଠକ ଜାରି ରହିଛି । ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଏଥିରେ ପ୍ରମୁଖ ଭୂମିକା ନିର୍ବାହ କରୁଛନ୍ତି। ତେବେ ସୂତ୍ରରୁ ମିଳିଥିବା ସୂଚନା ମୁତାବକ ବୈଠକରେ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯିବାକୁ ଯାଉଛି | ୨୦୨୪ ମସିହାରେ ବିରୋଧୀ ଦଳମାନଙ୍କୁ ଏକାଠି କରିବା ଦାୟିତ୍ୱ ନୀତୀଶ କୁମାରଙ୍କୁ ଦିଆଯାଇପାରେ | ତାଙ୍କୁ ସଂଯୋଜକ ଦାୟିତ୍ୱ ଦିଆଯିବ | ସୂଚନାନୁସାରେ, ନୀତୀଶ କୁମାର ୮ ଥର ରାଜ୍ୟର ମୁଖ୍ୟମନ୍ତ୍ରୀ ରହିଆସିଥିବାବେଳେ ଏନଡିଏ ସହ ମେଣ୍ଟ କରିବାରେ ତାଙ୍କର ଅନେକ ଅଭିଜ୍ଞତା ରହିଛି | ସେ ମଧ୍ୟ କେନ୍ଦ୍ର ସରକାରରେ ରେଳମନ୍ତ୍ରୀ ହୋଇଛନ୍ତି। ଏହା ସହିତ ସେ ସମସ୍ତ ବିରୋଧୀ ଦଳ ମଧ୍ୟରେ ଏକ ନିର୍ବିବାଦୀୟ ଚେହେରା, ଯାହାଙ୍କ ଉପରେ ପରିବାରବାଦ ଓ ଦୁର୍ନୀତିର କୌଣସି ଅଭିଯୋଗ ନାହିଁ। ତେବେ ପାଟନାରେ ବିରୋଧୀ ଦଳଙ୍କ ବୈଠକ ଚାଲିଥିବାବେଳେ ତେଲେଙ୍ଗାନାର ବିଆରଏସ ଦଳର ନେତା ଟିଆର ରାମା ରାଓ କଂଗ୍ରେସକୁ ନେଇ କଡା ଟାର୍ଗେଟ କରିଛନ୍ତି ।
ସେ କହିଛନ୍ତି, ନୀତୀଶ ଜଣେ ଭଲ ନେତା କିନ୍ତୁ କଂଗ୍ରେସ ସହିତ ଗୋଟିଏ ମଂଚରେ ଆମେ ଏକାଠି ହୋଇପାରିବୁ ନାହିଁ | ସେ କହିଛନ୍ତି, କଂଗ୍ରେସ ଯେଉଁ ବୈଠକରେ ଉପସ୍ଥିତ ଅଛି ଆମେ ତାହାକୁ ଗ୍ରହଣ କରିପାରିବୁ ନାହିଁ। ଯେଉଁଠାରେ କଂଗ୍ରେସ ଉପସ୍ଥିତ ଅଛି ସେହି ସଭାରେ ଆମେ ରହିବୁ ନାହିଁ। ଟିଆର ରାମା ରାଓ କହିଛନ୍ତି, କଂଗ୍ରେସ ଦେଶକୁ ପଚାଶ ବର୍ଷ ଶାସନ କରିଥିଲା ଏବଂ ଦେଶର ଏଭଳି ଅବସ୍ଥା ପାଇଁ କଂଗ୍ରେସ ମଧ୍ୟ ଦାୟୀ। ସେ କହିଛନ୍ତି ଆମେ କୌଣସି ପ୍ରକାରେ କଂଗ୍ରେସ ଏବଂ ବିଜେପି ସହ ଯାଇ ପାରିବୁ ନାହିଁ। ବିଆରଏସ କହିଛି, ଯଦି କଂଗ୍ରେସ ବିନା ତୃତୀୟ ମେଣ୍ଟ ଗଠନ ହୁଏ, ତେବେ ଆମେ ଏଥିରେ ଭାଗ ନେବୁ, କିନ୍ତୁ କଂଗ୍ରେସର ସମର୍ଥନ ଗ୍ରହଣୀୟ ନୁହେଁ।