ସମ୍ବଲପୁର: ସମ୍ବଲପୁର ବିଜେଡିରୁ ଏକ ବଡ଼ ଖବର ଆସି ପହଞ୍ଚୁଛି । ନିଜେ ଦଳ ଛାଡ଼ିବାକୁ ସଜବାଜ ହେଉଥିଲେ। ହେଲେ ଏହା ପୂର୍ବରୁ ଦଳ ବିତାଡ଼ିତ କଲା। ଏପରି ଏକ ଘଟଣା ଯୋଗୁ ଆଜି ସମ୍ବଲପୁର ଜିଲ୍ଲା ବିଜେଡିରେ ହଇଚଇ ସୃଷ୍ଟି ହୋଇଛି। ଜିଲ୍ଲା ବିଜେଡି କମିଟି ଉପଦେଷ୍ଟା ପଦରୁ ପ୍ରମୋଦ ରଥଙ୍କୁ ବହିଷ୍କାର କଲା ଦଳ। ଏ ନେଇ ଦଳ ପକ୍ଷରୁ ପ୍ରେସ ରିଲିଜ୍ ଜରିଆରେ ସୂଚନା ଦିଆଯାଇଛି।
ଦଳ ବିରୋଧୀ କାର୍ୟ୍ୟକଳାପ ପାଇଁ ପ୍ରମୋଦ ରଥଙ୍କୁ ପଦରୁ ବହିଷ୍କାର କରାଯାଇଥିବା ପ୍ରେସ ରିଲିଜରେ ସୂଚନା ଦିଆଯାଇଛି। ତେବେ ପ୍ରମୋଦଙ୍କୁ ହଠାତ୍ ବହିଷ୍କାର କରାଯିବା ନେଇ ସମ୍ବଲପୁର ରାଜନୀତିରେ ହଲଚଲ୍ ସୃଷ୍ଟି ହୋଇଛି। ଗୋଟିଏ ପଟେ ନିଜେ ପ୍ରମୋଦ ରଥ ବିଜେଡିରୁ ଇସ୍ତଫା ଦେବାକୁ ଆଜି ଏକ ସାମ୍ବାଦିକ ସମ୍ମିଳନୀ ଆୟୋଜନ କରିଥିଲେ। ହେଲେ ତା’ ପୂର୍ବରୁ ତାଙ୍କୁ ଦଳରୁ ବହିଷ୍କାର କରାଯାଇଛି।