ସୁନୀତାଙ୍କ ପ୍ରତ୍ୟାବର୍ତ୍ତନ ପରେ ଖୁସି ବ୍ୟକ୍ତ କଲେ ପ୍ରଧାନମନ୍ତ୍ରୀ ମୋଦି, ପୁରୁଣା ଫଟୋ ଶେୟାର କରି କହିଲେ…

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାରତୀୟ ବଂଶୋଦ୍ଭବ ମହାକାଶଚାରୀ ସୁନୀତା ୱିଲିୟମ୍ସ ଏବଂ ତାଙ୍କ ଦଳର ସଫଳ ପ୍ରତ୍ୟାବର୍ତ୍ତନ ଉପରେ ଖୁସି ପ୍ରକାଶ କରିଛନ୍ତି। ସେ ସୋସିଆଲ ମିଡିଆ ପ୍ଲାଟଫର୍ମରେ ଲେଖିଛନ୍ତି ‘ସ୍ବାଗତ କ୍ରୁ-୯!’ ପୃଥିବୀ ତୁମକୁ ମନେ ପକାଇଲା। ପ୍ରଧାନମନ୍ତ୍ରୀ ମୋଦି ଏହାକୁ ସାହସ, ସାହସିକତା ଏବଂ ଅଖଣ୍ଡ ମାନବୀୟ ମନୋଭାବର ପରୀକ୍ଷା ବୋଲି କହିଥିଲେ। ସେ କହିଥିଲେ ଯେ ସୁନୀତା ୱିଲିୟମ୍ସ ଏବଂ କ୍ରୁ-୯ର ମହାକାଶଚାରୀମାନେ ପୁଣି ଥରେ ପ୍ରମାଣ କରିଛନ୍ତି ଯେ ‘ନିଷ୍ଠା ଏବଂ ଧର୍ଯ୍ୟର ପ୍ରକୃତ ପରିଭାଷା କ’ଣ।
ପ୍ରଧାନମନ୍ତ୍ରୀ ମହାକାଶ ଗବେଷଣାକୁ କେବଳ ଏକ ବୈଜ୍ଞାନିକ ସଫଳତା ନୁହେଁ ବରଂ ‘ମାନବ କ୍ଷମତାର ସୀମା ଅତିକ୍ରମ କରିବା, ବଡ଼ ସ୍ବପ୍ନ ଦେଖିବା ଏବଂ ସେଗୁଡ଼ିକୁ ପୂରଣ କରିବାର ସାହସ ରଖିବା’ ପାଇଁ ଏକ ପ୍ରେରଣା ବୋଲି ବର୍ଣ୍ଣନା କରିଥିଲେ। ସୁନୀତା ୱିଲିୟମ୍ସଙ୍କୁ ଜଣେ ଆଦର୍ଶ ଏବଂ ପ୍ରେରଣା ଭାବରେ ବର୍ଣ୍ଣନା କରି ସେ କହିଥିଲେ ଯେ ସେ ତାଙ୍କ କ୍ୟାରିଅର ସାରା ସମୟରେ ଏହି ଭାବନାକୁ ଶାକାର କରିଛନ୍ତି।