୨୨ରେ ବିବାହ ବନ୍ଧନରେ ବାନ୍ଧି ହେବେ ପିଭି ସିନ୍ଧୁ, ଭେଙ୍କଟ ଦତ୍ତ ସାଇଙ୍କ ସହ ନେବେ ସାତଫେରା
ନୂଆଦିଲ୍ଲୀ (ଆମ ଟିଭି): ଦୁଇ ଥର ଅଲିମ୍ପିକ୍ସ ପଦକ ବିଜେତା ବ୍ୟାଡମିଣ୍ଟନ ତାରକା ପିଭି ସିନ୍ଧୁ ଆସନ୍ତା ୨୨ ତାରିଖରେ ବିବାହ ବନ୍ଧନରେ ବାନ୍ଧି ବେହାକୁ ଯାଉଛନ୍ତି । ସେ ହାଇଦ୍ରାବାଦର ଭେଙ୍କଟ ଦତ୍ତ ସାଇଙ୍କୁ ବିବାହ କରିବେ । ଉଦୟପୁରରେ ବିବାହ ଉତ୍ସବ ଆୟୋଜିତ ହେବ। ସିନ୍ଧୁ ଓ ସାଇଙ୍କ ପରିବାର ମଧ୍ୟରେ ଦୀର୍ଘ ଦିନ ଧରି ବନ୍ଧୁତ୍ୱ ରହି ଆସିଛି ।
ସିନ୍ଧୁଙ୍କ ବାପା ପିଭି ରମଣା କହିଛନ୍ତି, ‘ଆମେ ଦୁଇ ପରିବାର ଦୀର୍ଘ ଦିନରୁ ପରସ୍ପରକୁ ଜାଣିଛୁ । ଗତ ଏକ ମାସ ପୂର୍ବରୁ ବିବାହ ସଂପର୍କରେ ଆମର ନିଷ୍ପତ୍ତି ହୋଇଥିଲା । ଜାନୁଆରୀରୁ ସିନ୍ଧୁ ନିଜ ଖେଳ ପାଇଁ ଅଧିକ ବ୍ୟସ୍ତ ରହିବେ । ତେଣୁ ଏହି ସମୟ ହିଁ ବିବାହ ପାଇଁ ଉପଯୁକ୍ତ ।’