ଜେଲରୁ ଫେରିବା ପରେ ଏମିତି କହିଲେ ସଞ୍ଜୟ ରାଉତ

ମୁମ୍ବାଇ: ଜେଲରୁ ବାହାରିବା ପରେ ସଞ୍ଜୟ ରାଉତ କହିଛନ୍ତି, “ମୁଁ ୧୦୦ ଦିନ ଜେଲରେ ରହିଥିଲି, ଜେଲରେ ପ୍ରତି ଘଣ୍ଟା ଶହେ ଦିନ ଭଳି ମନେହୁଏ। ୧୫ ଦିନ ପର୍ଯ୍ୟନ୍ତ ମୁଁ ସୂର୍ଯ୍ୟ କିରଣ ଦେଖି ନଥିଲି କାରଣ ମୋତେ ଅନ୍ଧାରୁଆ କୋଠରୀରେ ରଖାଯାଇଥିଲା, ତେଣୁ ମୁଁ ଅସୁସ୍ଥ ହୋଇପଡିଥିଲି। ” ରାଉତ ଅଭିଯୋଗ କରିଛନ୍ତି ଯେ ମହାରାଷ୍ଟ୍ରରେ ଆମର (ମହା ବିକାଶ ଆଘାଡ଼ି) ସରକାର ଗଠନ ହେବାବେଳେ କିଛି ଲୋକ ଏହାକୁ ପସନ୍ଦ କରିନଥିଲେ | ଏହା ପରେ ସେଠାରେ ଏକ ଖେଳ ଆରମ୍ଭ ହେଲା ଓ ସରକାରଙ୍କୁ ହଟାଇବା ପାଇଁ ସମସ୍ତ ପ୍ରୟାସ କରାଗଲା |

ଧମକ ଦିଆଯିବା ସହ ଅନୁସନ୍ଧାନକାରୀ ସଂସ୍ଥାକୁ ଆମ ବିରୁଦ୍ଧରେ ଅପବ୍ୟବହାର କରାଯାଇଛି । ଏହା ଝାଡଖଣ୍ଡ ଏବଂ ପଶ୍ଚିମବଙ୍ଗରେ ମଧ୍ୟ ଚାଲିଛି। ଶିବସେନା ନେତା କହିଛନ୍ତି, “ମୁଁ ରାଜ୍ୟସଭାର ତତ୍କାଳୀନ ଅଧ୍ୟକ୍ଷ ତଥା ଉପରାଷ୍ଟ୍ରପତି ଭେଙ୍କୟା ନାଇଡୁଙ୍କୁ ଏକ ଚିଠି ଲେଖି ଏ ବିଷୟରେ ସୂଚନା ଦେଇଥିଲି। ପରେ ଆମ ସରକାର ଭାଙ୍ଗିଗଲା | ମୁଁ ୧୦୦ ଦିନ ଜେଲରେ ଥିବାବେଳେ ଏକ ଘଣ୍ଟା ୧୦୦ ଦିନ ଭଳି ଲାଗୁଥିଲା | ମୁଁ ୧୫ ଦିନ ସୂର୍ଯ୍ୟ କିରଣ ଦେଖି ନ ଥିବାରୁ ଓ ଥଣ୍ଡା କୋଠରୀରେ ଥିବାରୁ ଅସୁସ୍ଥ ହୋଇପଡିଥିଲି। ସେ କହିଛନ୍ତି, “ମୋର ଓଜନ ୧୦ କିଲୋ ହ୍ରାସ ପାଇଛି। ରାତି ରାତି ଫ୍ଲଡ ଆଲୋକ ମୋ ଆଖି ଉପରେ ମଧ୍ୟ ପ୍ରଭାବ ପକାଇଛି। ଶୁଣିବାରେ ମୋର ଅସୁବିଧା ହେଉଛି।”