ସଙ୍ଗମ ସ୍ନାନ ପୂର୍ବରୁ ଷ୍ଟିଭ୍ ଜବ୍ସଙ୍କ ପତ୍ନୀ ଲରେନ୍ ପାୱେଲ ଓରଫ କମଳା ଅସୁସ୍ଥ

ପ୍ରୟାଗରାଜରେ ମହାକୁମ୍ଭର ପ୍ରଥମ ‘ଅମୃତ ସ୍ନାନ’ ଅବସରରେ ଆପଲର ସହ ପ୍ରତିଷ୍ଠାତା ଷ୍ଟିଭ୍ ଜବ୍ସଙ୍କ ପତ୍ନୀ ଲରେନ୍ ପାୱେଲ ଜବ୍ସ ତ୍ରିବେଣୀ ସଙ୍ଗମରେ ଗାଧୋଇବେ ବୋଲି ଆଶା କରାଯାଉଥିଲା। ତେବେ ଆଲର୍ଜି କାରଣରୁ ତାଙ୍କ ସ୍ୱାସ୍ଥ୍ୟାବସ୍ଥା ଭଲ ନାହିଁ ବୋଲି ତାଙ୍କ ଗୁରୁ କୈଳାସାନନ୍ଦ ଗିରି କହିଛନ୍ତି।

କୈଳାସାନନ୍ଦ ଗିରି କହିଛନ୍ତି, ପାୱେଲ ସଙ୍ଗମରେ ଗାଧୋଇବାର ରୀତିନୀତିରେ ଭାଗ ନେବେ। ସେ ମୋ ଶିବିରରେ ବିଶ୍ରାମ ନେଉଛନ୍ତି। ତେବେ ତାଙ୍କର କିଛି ଆଲର୍ଜି ରହିଛି। ଏତେ ଜନଗହଳିପୂର୍ଣ୍ଣ ସ୍ଥାନକୁ ସେ କେବେ ଯାଇ ନାହାନ୍ତି। ସେ ବହୁତ ସରଳ ଅଟନ୍ତି। ପୂଜା ସମୟରେ ସେ ଆମ ସହିତ ରହିଥିଲେ। ଆମର ପରମ୍ପରା ଏପରି ଯେ ଯେଉଁମାନେ ଏହାକୁ କେବେ ଦେଖି ନାହାନ୍ତି, ସେମାନେ ସମସ୍ତେ ଏଥିରେ ଯୋଗ ଦେବାକୁ ଚାହୁଁଛନ୍ତି ବୋଲି ନିରଞ୍ଜନ ଆଖଡ଼ାର ସ୍ୱାମୀ କୈଳାସାନନ୍ଦ କହିଛନ୍ତି।