ଶପଥ ନେଲେ ସୂରଜ
ଭଦ୍ରକ: ଧାମନଗର ଉପନିର୍ବାଚନରେ ପୂର୍ବତନ ବିଧାୟକ ସ୍ବର୍ଗତ ବିଷ୍ଣୁ ସେଠୀଙ୍କ ପୁଅ ତଥା ବିଜେପି ପ୍ରାର୍ଥୀ ସୂର୍ଯ୍ୟବଂଶୀ ସୂରଜ ସ୍ଥିତପ୍ରଜ୍ଞଙ୍କର ବିଜୟ ହେବା ପରେ ଆଜି ସେ ବିଧାନସଭାରେ ଶପଥ ଗ୍ରହଣ କରିଛନ୍ତି। ବାଚସ୍ପତି ବିକ୍ରମ କେଶରୀ ଆରୁଖ ତାଙ୍କର ଶପଥ ପାଠ କରାଇଛନ୍ତି। ସୂର୍ଯ୍ୟବଂଶୀ ବାଚସ୍ପତିଙ୍କ ପାଦ ଛୁଇଁ ପ୍ରଣାମ କରିଛନ୍ତି। ବାଚସ୍ପତି ଆରୁଖ ଉପହାର ସ୍ବରୁପ ତାଙ୍କୁ ଏକ ଗାନ୍ଧୀ ମୂର୍ତ୍ତି ପ୍ରଦାନ କରିଛନ୍ତି।
ପୂର୍ବରୁ ସୂର୍ଯ୍ୟବଂଶୀଙ୍କୁ ବିଜେପି କାର୍ଯ୍ୟାଳୟରେ ଶୁଭେଚ୍ଛା ଜ୍ଞାପନ କରାଯାଇଥିଲା। ତାଙ୍କୁ ଭିଡିଓ କନ୍ଫରେନ୍ସିଂ ଜରିଆରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଦଳର ବରିଷ୍ଠ ନେତା ଜୁଏଲ ଓରାମ, କେଭି ସିଂ ଦେଓ, ସୁରେଶ ପୂଜାରୀ, ବସନ୍ତ ପଣ୍ଡା, ପ୍ରଭାରୀ ଡି ପୂରନ୍ଦେଶ୍ବରୀ ପ୍ରମୁଖ ଉପସ୍ଥିତ ରହି ଶୁଭେଚ୍ଛା ଜଣାଇଥିଲେ।।