ଡିସେମ୍ବର ୨୦ରେ ମୁକ୍ତିଲାଭ କରିବ ଚଳଚ୍ଚିତ୍ର “ପରବ୍”, ପ୍ରଚାର ଓ ପ୍ରସାର ପାଇଁ ବାରିପଦାରେ ଟିମ୍*

ବଦଳିଛି ଓଡ଼ିଆ ସିନେମାର ନିର୍ମାଣର ଧାରା l ପ୍ରେକ୍ଷାଳୟ ମୁହାଁ ହେଲେଣି ଦର୍ଶକ l ଏହାର ଏକମାତ୍ର କାରଣ ଓଡିଶା ମାଟିର ମୌଳିକ କାହାଣୀକୁ ନେଇ ଏବେ ଯୁବପିଢ଼ି ନିର୍ମାଣ କରୁଛନ୍ତି ସିନେମା l ଦମନର ଅପୂର୍ବ ସଫଳତା ପରେ ଆହୁରି ପାଦେ ଆଗକୁ ଯିବାକୁ ପଛେଇ ନାହାଁନ୍ତି ପ୍ରଯୋଜକ ଦିପେନ୍ଦ୍ର ସାମଲ l ଜାତୀୟ ପୁରସ୍କାର ଲାଭ କରି ଓଡିଶା ଚଳଚ୍ଚିତ୍ର ଜଗତକୁ ଗୌରାବାନ୍ୱିତ କରିଥିବା ଯୁବ ପ୍ରଯୋଜକ ଦିପେନ୍ଦ୍ର ସାମଲଙ୍କର ନୂଆ ଚଳଚ୍ଚିତ୍ର “ପରବ୍” ଆସନ୍ତା ୨୦ ଡିସେମ୍ବରରେ ସାରା ଓଡିଶା ତଥା ଓଡିଶା ବାହାରେ ମୁକ୍ତିଲାଭ କରିବାକୁ ଯାଉଥିବା ବେଳେ ପରବ୍ ଟିମ୍ ଏବେ ବାରିପଦା ସହର ରେ ପହଞ୍ଚିଛି ପ୍ରଚାର ଓ ପ୍ରସାର ପାଇଁ l ଅଭିନେତା ସିଦ୍ଧାନ୍ତ ମହାପାତ୍ର, ଅଭିନେତ୍ରୀ ଅନୁ ଚୌଧୁରୀ, ସୂର୍ଯ୍ୟମୟୀ ମହାପାତ୍ର, ଦୀପନ୍ୱିତ ଦାସ ମହାପାତ୍ର, ନିର୍ଦ୍ଦେଶକ ଚିନ୍ମୟ ଦାସ ଏବଂ ପ୍ରଚାର ଓ ପ୍ରସାର ମୁଖ୍ୟ ପ୍ରଣୟ ଜେଠୀ ବାରିପଦା ସହରରେ ପହଞ୍ଚି ପ୍ରଥମେ ଗଣମାଧ୍ୟମ ବନ୍ଧୁମାନଙ୍କ ଗହଣରେ ପରବ୍ ଚଳଚ୍ଚିତ୍ର ସମ୍ପର୍କରେ ଆଲୋଚନା କରିଥିଲେ l ପରବ୍ ର କାହାଣୀ ସମ୍ପର୍କରେ ସୂଚନା ଦେଇଥିଲେ ଏବଂ ଚଳଚ୍ଚିତ୍ରର ପ୍ରଚାର ଓ ପ୍ରସାର ରେ ସହଯୋଗ କରିବା ପାଇଁ ନିବେଦନ କରିଥିଲେ l ତାପରେ ବାରିପଦା ମହୋତ୍ସବ ପହଞ୍ଚିଥିଲା ଟିମ୍ ପରବ୍ l ସେଠାରେ ଚଳଚ୍ଚିତ୍ରର ଟ୍ରେଲର ରିଲିଜ୍ ହୋଇଥିଲା l ଉପସ୍ଥିତ ଦର୍ଶକ ଟ୍ରେଲର ଦେଖି ଖୁବ୍ ପ୍ରଶଂସା କରିଥିଲେ l ଅଭିନେତା ସିଦ୍ଧାନ୍ତ ମହାପାତ୍ର ଙ୍କ ମାମୁଁ ଘର ବାରିପଦା ହୋଇଥିବାରୁ ସେ ବହୁତ ଉତ୍ସାହିତ ଥିଲେ l ବାରିପଦା ମହୋତ୍ସବ ରେ ପରବ୍ କଳାକାର ମାନେ ଦର୍ଶକ ଙ୍କୁ ନିଜର ସଂଳାପ ମାଧ୍ୟମରେ ବିମୋହିତ କରିଥିଲେ l

ତେବେ ପରବ୍ ର କାହାଣୀ ଏପରି ଯାହା ଓଡିଶା ତଥା ଓଡିଶା ବାହାରେ ନିହାତି ସୁପରହିଟ ହେବ ଏଥିରେ ସନ୍ଦେହ ନାହିଁ ବୋଲି ପ୍ରଚାର ଓ ପ୍ରସାର ମୁଖ୍ୟ ମିଡ଼ିଆ ପ୍ଲାନର ପ୍ରଣୟ ଜେଠୀ ମତ ଦେଇଛନ୍ତି l