ନୂଆଦିଳ୍ଲୀ: ବାରାଣାସୀର ଜ୍ଞାନବ୍ୟାପୀରେ ହିନ୍ଦୁ ପକ୍ଷଙ୍କୁ ପୂଜାପାଠର ମିଳିଲା ଅନୁମତି । ଜିଲ୍ଲା ପ୍ରଶାସନକୁ ଏପରି ନିର୍ଦ୍ଦେଶ ଦେଲେ ବାରଣାସୀ କୋର୍ଟ । ୭ ଦିନ ମଧ୍ୟରେ ସମସ୍ତ ବ୍ୟବସ୍ଥା କରିବାକୁ କୋର୍ଟ ପକ୍ଷରୁ ନିର୍ଦ୍ଦେଶ ଜାରି କରାଯାଇଛି । ହିନ୍ଦୁ ଦଳର ଓକିଲ ବିଷ୍ଣୁ ଶଙ୍କର ଜୈନ୍ କହିଛନ୍ତି ଯେ, ବ୍ୟାସ ତହଖାନା ହିନ୍ଦୁ ପକ୍ଷମାନେ ପୂଜାର୍ଚ୍ଚନା କରିପାରିବେ, ଏନେଇ କୋର୍ଟ ପକ୍ଷରୁ ଅନୁମତି ମିଳିସାରିଛି ।
ହିନ୍ଦୁ ପକ୍ଷ ତଳ ମହଲାରେ ପୂଜା କରିବା ପାଇଁ ଅନୁମତି ମାଗିଥିଲେ। ସୋମନାଥ ଭାୟାସଙ୍କ ପରିବାର ୧୯୯୩ ପର୍ୟ୍ୟନ୍ତ ତଳ ମହଲାରେ ପୂଜାର୍ଚ୍ଚନା କରୁଥିଲେ। ୧୯୯୩ ପରେ ତତ୍କାଳୀନ ରାଜ୍ୟ ସରକାରଙ୍କ ନିର୍ଦ୍ଦେଶରେ ତଳ ମହଲାରେ ପୂଜା ବନ୍ଦ କରାଯାଇଥିଲା । ଜାନୁଆରୀ ୧୭ରେ, ବ୍ୟାସ ତବଖାନକୁ ଜିଲ୍ଲା ପ୍ରଶାସନ ହସ୍ତାନ୍ତର କରିଥିଲେ । ଇଝଓ ସର୍ଭେ ଅପରେସନ୍ ସମୟରେ ବେସମେଣ୍ଟ୍ ସଫା କରାଯାଇଥିଲା ।