ଟ୍ୱିଟରର ନୂଆ ସିଇଓ ହେଲେ ଏଲନ ମସ୍କଙ୍କ ପୋଷା କୁକୁର

ନୂଆଦିଲ୍ଲୀ (ଆମ ଟିଭି): ଟ୍ୱିଟରକୁ ନେଇ ଏବେ ଆସିଛି ଏକ ବଡ଼ ଖବର । ଆପଣ ଜାଣି ଆଶ୍ଚର୍ୟ୍ୟ ହେବେ ଯେ ଏଲନ ମସ୍କ ଏକ କୁକୁରକୁ ଟ୍ୱିଟରର ସିଇଓ ଭାବେ ପରିଚିତ କରାଇଛନ୍ତି । ଏହି କୁକୁରଟି ମସ୍କଙ୍କ ପାଳିତ କୁକୁର ଓ ଏହାର ନାମ ଫ୍ଲୋକି ବୋଲି କୁହାଯାଇଛି । ଏହା ପୂର୍ବରୁ ଟ୍ୱିଟରର ସିଇଓ ଥିଲେ ପରାଗ ଅଗ୍ରୱାଲ । ହେଲେ ଏଲନ ମସ୍କ ଟ୍ୱିଟରକୁ କିଣିବା ପରେ ପରାଗ ଅଗ୍ରୱାଲଙ୍କୁ ବାହାର କରିଦେଇଥିଲେ । ପରାଗଙ୍କୁ ହଟାଇବା ପରେ ଏବେ ଫ୍ଲୋକିକୁ ଟ୍ୱିଟରର ସିଇଓ ବୋଲି କହିଛନ୍ତି ମସ୍କ ।

ମସ୍କ ଅନୁଭବ କରିଛନ୍ତି କି ତାଙ୍କ କୁକୁର ଫ୍ଲୋକି ଅନ୍ୟ ସିଇଓଙ୍କ ତୁଳନାରେ ବେଶ୍ ଭଲ । ଅର୍ଥାତ ମସ୍କ ଏଭଳି କହି ସିଧା ସଳଖ ପରାଗ ଅଗ୍ରୱାଲଙ୍କୁ ଟାର୍ଗେଟ୍ କରିଛନ୍ତି । ସୂଚନା ଥାଉକି ୪୪ ବିଲିୟନ ଡଲାର ଦେଇ ମସ୍କ ଟ୍ୱିଟରକୁ କିଣିବାର ମାତ୍ର କିଛିଦିନ ମଧ୍ୟରେ ସିଇଓ ପଦରେ ଥିବା ପରାଗ ଅଗ୍ରୱାଲଙ୍କୁ କମ୍ପାନୀରୁ ବାହାର କରିଦେଇଥିଲେ । କେବଳ ଅଗ୍ରୱାଲ ନୁହଁନ୍ତି ଅନେକ ପୁରୁଣା କର୍ମଚାରୀଙ୍କୁ ମଧ୍ୟ ଛଟେଇ କରିଦେଇଥିଲେ ମସ୍କ ।