ନୂଆଦିଲ୍ଲୀ (ଆମ ଟିଭି): ଭାରତରେ ଡିଜିଟାଲ ପେମେଣ୍ଟର ବହୁ ଦ୍ରୁତ ଗତିରେ ବୃଦ୍ଧି ପାଉଛି। ମୋଦି ସରକାର ଡିଜିଟାଲ ଇଣ୍ଡିଆକୁ ପ୍ରଧାନ୍ୟ ଦେବା ପରଠାରୁ ଏହା ବହୁ ଜୋରରେ ବଢିଚାଲିଛି । ଡିଜିଟାଲ ପେମେଣ୍ଟରେ ୟୁନିଫାଏଡ୍ ପେମେଣ୍ଟ ଇଣ୍ଟରଫେସର ଏକ ବଡ଼ ଭୂମିକା ରହିଛି। ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, ଅକ୍ଟୋବରରେ ସାରା ଦେଶରେ ୧୦୦୦ କୋଟିରୁ ଅଧିକ ୟୁପିଆଇ କାରବାରର ରେକର୍ଡ ହୋଇଥିଲା । ଏହା ହେଉଛି କ୍ରମାଗତ ତୃତୀୟ ମାସ ଯେତେବେଳେ ୟୁପିଆଇ କାରବାର ସଂଖ୍ୟା ୧୦୦୦ କୋଟି ଅତିକ୍ରମ କରିଛି ।
ଅକ୍ଟୋବର ୨୦୨୩ ରେ, ଉପଭୋକ୍ତାମାନେ ମୋଟ ୧,୪୧୪ କୋଟି କାରବାର ମାଧ୍ୟମରେ ପରସ୍ପରକୁ ୧୭.୧୬ ଲକ୍ଷ କୋଟି ଟଙ୍କା ଟ୍ରାନ୍ସଫର କରିଛନ୍ତି । ସୂଚନାଯୋଗ୍ୟ ଯେ କାରବାରରେ ୟୁପିଆଇ ବ୍ୟବହାରରେ ବାର୍ଷିକ ୫୫ ପ୍ରତିଶତ ଏବଂ କାରବାର ପରିମାଣ ଅନୁଯାୟୀ ୪୨ ପ୍ରତିଶତ ବୃଦ୍ଧି ଅକ୍ଟୋବରରେ ରେକର୍ଡ କରାଯାଇଛି।