ଏଥର ମେ ୨୪ରେ ସ୍ବପ୍ନର ସହର ସୁଦୂର ଲଣ୍ଡନରେ 5ଷ୍ଟାର ଫିଲ୍ମ ଆୱାର୍ଡସ ୨୦୨୬
ଭୁବନେଶ୍ବର (ଆମ ଟିଭି): ସିଙ୍ଗାପୁର ଓ ଦୁବାଇ ପରି ଅନ୍ତର୍ଜାତୀୟ ଗନ୍ତବ୍ୟସ୍ଥଳରେ ସଫଳତାର ସହିତ ମର୍ଯ୍ୟାଦାପୂର୍ଣ୍ନ 5 ଷ୍ଟାର ଫିଲ୍ମ ଆୱାର୍ଡସ୍ ଆୟୋଜନ କରିବା ପରେ, ଆର ଆର ଇଭେଣ୍ଟସ୍ ଏବଂ ସିନେ ପ୍ରଡକସନ୍ ପୁଣିଥରେ ଓଡ଼ିଶା ସିନେମା ଓ ସମୃଦ୍ଧ ସାଂସ୍କୃତିକ ଐତିହ୍ୟକୁ ବିଶ୍ବ ମଞ୍ଚରେ ପହଞ୍ଚାଇ ଇତିହାସ ସୃଷ୍ଟି କରିବାକୁ ପ୍ରସ୍ତୁତ ହୋଇଛି l ଚଳିତ ବର୍ଷ ଏହି ଭବ୍ୟ ଆୟୋଜନ ମେ ମାସ ୨୪ତାରିଖରେ ସ୍ୱପ୍ନର ନଗରୀ ଲଣ୍ଡନ, ୟୁନାଇଟେଡ୍ କିଙ୍ଗଜମ୍ରେ ଆୟୋଜିତ ହେବାକୁ ଯାଉଛି l
ଆର ଆର ଇଭେଣ୍ଟସ୍ ଏବଂ ସିନେ ପ୍ରଡକସ lନ୍ର ପ୍ରଡ୍ୟୁସର ଓ ମ୍ୟାନେଜିଂ ଡିରେକ୍ଟର ରମେଶ ବାରିକଙ୍କ ଦୂରଦର୍ଶୀ ନେତୃତ୍ୱରେ 5 ଷ୍ଟାର ଫିଲ୍ମ ଆୱାର୍ଡସ୍ ୨୦୨୬ – ଲଣ୍ଡନ, କେବଳ ସିନେମାଟିକ୍ ଉତ୍କୃଷ୍ଟତାକୁ ସମ୍ମାନ ଦେବା ନୁହେଁ, ବରଂ ଓଡ଼ିଶାର ସଜୀଵ ସଂସ୍କୃତି, ପରମ୍ପରା, ସଙ୍ଗୀତ, ନୃତ୍ୟ ଓ କଥା କହିବା ଐତିହ୍ୟକୁ ଭାରତର ସୀମାପାରେ ପ୍ରଚାର କରିବାକୁ ଲକ୍ଷ୍ୟ ରଖୁଛି।
ଏହି ଆୟୋଜନ ଏକ ସାଂସ୍କୃତିକ ସେତୁ ଭାବେ କାମ କରିବ, ଯାହା ଓଡ଼ିଆ ସିନେମା ଓ ଓଡ଼ିଶାର କଳାତ୍ମକ ଐତିହ୍ୟକୁ ଅନ୍ତର୍ଜାତୀୟ ଦର୍ଶକ ଓ ୟୁକେରେ ରହୁଥିବା ଭାରତୀୟ ପ୍ରବାସୀମାନଙ୍କ ସମ୍ମୁଖରେ ପ୍ରଦର୍ଶନ କରିବ। ପାରମ୍ପରିକ ଓ ଆଧୁନିକ – ଦୁଇ ପ୍ରକାର ସାଂସ୍କୃତିକ ଉପାଦାନ ଓଡ଼ିଶାର ପ୍ରେରଣାରେ ଆଧୁନିକ ସିନେମାଟିକ୍ ଉତ୍ସବ ସହିତ ପ୍ରଦର୍ଶିତ ହେବ, ଯାହା ବିଶ୍ବଭରି ବା ପ୍ରତ୍ୟେକ ଓଡ଼ିଆଙ୍କ ପାଇଁ ଗର୍ବର ମୁହୂର୍ତ୍ତ ହେବ।
ଆକାଶ ଦାସ ନାୟକ, ସବ୍ୟସାଚୀ, ଅର୍ଚ୍ଚିତା ସାହୁ, ଏଲିନା ସମନ୍ତରାୟ ପୁପିନ୍ଦର ସିଂହ, ଶୀତଲ ପାତ୍ର, ରିୟା ଦେ, ଦିବ୍ୟା ମହାନ୍ତି, ଶିବାନୀ ସଙ୍ଗୀତା, ଶ୍ରୀତମ ଦାସ, ଅର୍ଦ୍ଧେନ୍ଦୁ ସାହୁ, ସତ୍ୟଜିତ ପ୍ରଧାନ, ପ୍ରଜ୍ଞା ହୋତା, ମହାଶ୍ବେତା ରାୟ, ଅମ୍ଳାନ ଦାସ, ବର୍ଷା ପ୍ରିୟଦର୍ଶିନୀ, ଅନୁ ଚୌଧୁରୀ, ପୁନମ ମିଶ୍ର, ବବି ମିଶ୍ର, ପପୁ ପମ୍ ପମ୍, ହରିହର ମହାପାତ୍ର, ଜ୍ୟୋତିରଞ୍ଜନ ନାୟକ, ସୂର୍ଯ୍ୟମୟୀ ମହାପାତ୍ରଙ୍କ ସହ ଅନେକ ଅନ୍ୟାନ୍ୟ ଓଡ଼ିଆ ଫିଲ୍ମ ତାରକାମାନେ ଅନ୍ତର୍ଜାତୀୟ ରେଡ୍ କାର୍ପେଟ୍ରେ ରହିବେ।
ଅନ୍ତରା ଚକ୍ରବର୍ତ୍ତୀ, ସତ୍ୟଜିତ ପ୍ରଧାନ, ବର୍ଣ୍ଣାଳୀ ହୋତା, ସୁସ୍ମିତା ଦାସ, କୁଲଦୀପ ପଟ୍ଟନାୟକ, ଦୀପ୍ତିରେଖା ପାଢ଼ୀ, ଅନୁରାଧା ପାଣିଗ୍ରାହୀ, ଅଂଶୁମାନ ଆଦି ପ୍ରସିଦ୍ଧ ଗାୟକ-ଗାୟିକାଙ୍କ ସୁରିଳା ପ୍ରଦର୍ଶନ ଓ ବିନ୍ଦୁଙ୍କ ନୃତ୍ୟ ସଂରଚନାରେ ହେବାକୁଥିବା ଉତ୍ସାହଜନକ ପରିବେଶଣ ଓଡ଼ିଶାର ସଙ୍ଗୀତମୟ ଆତ୍ମାକୁ ଆଲୋକିତ କରିବା ସହିତ ପାରମ୍ପରିକତାକୁ ବିଶ୍ବ ଆକର୍ଷଣ କରିବ l ଏହି ଆୟୋଜନର ଗରିମାକୁ ଆହୁରି ବଢ଼ାଇବା ପାଇଁ, ପ୍ରସିଦ୍ଧ ବଙ୍ଗାଳୀ ଚଳଚ୍ଚିତ୍ର ତାରକା–ସୁପରଷ୍ଟାର ଦେବ, ରିତୁପଣ୍ଡା ସେନଗୁପ୍ତା, ଇମୋନ୍ ଚକ୍ରବର୍ତ୍ତୀ, ଅନିର୍ବାଣ ଚକ୍ରବର୍ତ୍ତୀ ଓ ଅବିର-ଉପସ୍ଥିତ ରହିବେ, ଯାହା ଭିନ୍ନ ଭିନ୍ନ ଭାରତୀୟ ଫିଲ୍ମ ଶିଳ୍ପମାନଙ୍କ ମଧ୍ୟରେ ଏକତା ଓ ସାଂସ୍କୃତିକ ଆଦାନ ପ୍ରଦାନର ପ୍ରତୀକ ହେବ।
5 ଷ୍ଟାର ଫିଲ୍ମ ଆୱାର୍ଡସ୍ ୨୦୨୬କୁ ଲଣ୍ଡନକୁ ନେଇ, ଆର ଆର ଇଭେଣ୍ଟସ୍ ଏବଂ ସିନେ ପ୍ରଡକସନ୍ ପୁଣିଥରେ ପ୍ରମାଣ କରିଛି ଯେ ସେମାନେ ଓଡ଼ିଶା ସିନେମା ଓ ସଂସ୍କୃତିକୁ ଭାରତ ସୀମା ପାରେ ପହଞ୍ଚାଇ ବିଶ୍ବସ୍ତରୀୟ ପରିଚୟ ଓ ଗର୍ବ ସୃଷ୍ଟି କରିବାରେ ପ୍ରତିବଦ୍ଧ। ଲଣ୍ଡନ ଏବେ ଏକ ଐତିହାସିକ ରାତିକୁ ସାକ୍ଷୀ ହେବାକୁ ପ୍ରସ୍ତୁତ –ଯେଉଁଠାରେ ଓଡ଼ିଶାର ସଂସ୍କୃତି ବିଶ୍ବ ସିନେମା ସହିତ ମିଳିବ ବୋଲି ରମେଶ ବାରିକ କହିଥିଲେ l