ରାୟଗଡ଼ା (ଆମ ଟିଭି): ଗତ କିଛି ଦିନ ହେଲା ବାଘକୁ ନେଇ ଅନେକ ଜିଲ୍ଲାରେ ଆତଙ୍କ ଲାଗି ରହିଛି । ଗଜପତି ଜିଲ୍ଲାର ଆର ଉଦୟଗିରି ଅଂଚଳରେ ପ୍ରଥମେ ବାଘର ଆତଙ୍କ ଦେଖା ଦେଇଥିଲା । ଗଜପତି ବନ ବିଭାଗ ଏହି ବାଘକୁ ନେଇ ଜଜଙ୍ଗଲର ବିଭିନ୍ନ ସ୍ଥାନରେ ଟ୍ରାପ କ୍ୟାମେରା ଲଗାଇବା ପରେ ବାଘର ଫଟୋ କଏଦ ହୋଇଥିଲା ।
ଗତ କାଲି ସନ୍ଧ୍ୟାରେ ଏହି ବାଘଟି ଗଜପତି ଜିଲ୍ଲା ସୀମାନ୍ତ ଅତିକ୍ରମ କରି ରାୟଗଡା ସୀମାରେ ପ୍ରବେଶ କରିଥିବା ସନ୍ଦେହ କରିଛି ଗଜପତି ବନ ବିଭାଗ ।
ଗଜପତି ବନ ବିଭାଗର ସୂଚନା ପରେ ତତ୍ପରତା ହୋଇଛି ଗୁଣୁପୁର ବନ ବିଭାଗ । ଗଜପତି ଓ ରାୟଗଡା ଜିଲ୍ଲା ସୀମାନ୍ତରେ ରହିଥିବା ଗ୍ରାମଗୁଡିକୁ ଯାଇ ଡାକବାଜି ଯନ୍ତ୍ର ଯୋଗେ ଲୋକଙ୍କୁ ସଚେତନ କରୁଥିବାର ଦେଖିବାକୁ ମିଳିଛି ।