ପରଲୋକରେ ବଲିଉଡର ଭେଟେରାନ ଅଭିନେତା ବିକ୍ରମ ଗୋଖଲେ

ମୁମ୍ବାଇ (ଆମ ଟିଭି): ବଲିଉଡରୁ ଏକ ଦୁଃଖଦ ଖବର ଆସି ପହଞ୍ଚୁଛି । ଭେଟେରାନ ଫିଲ୍ମ ଅଭିନେତା ଓ ଟେଲିଭିଜନ ତାରକା ବିକ୍ରମ ଗୋଖଲେଙ୍କ ପରଲୋକ ହୋଇଛି । ପୁଣେର ଏକ ଘରୋଇ ହସ୍ପିଟାଲରେ ଆରପାରିକୁ ଚାଲିଗଲେ ବିକ୍ରମ । ମୃତ୍ୟୁବେଳକୁ ତାଙ୍କୁ ହୋଇଥିଲା ୮୦ ବର୍ଷ । ବହୁ ହିନ୍ଦୀ ଓ ମରାଠୀ ଫିଲ୍ମରେ ବିକ୍ରମ ଅଭିନୟ କରିଥିଲେ । ଅମିତାଭ ବଚ୍ଚନ ଅଭିନୀତ ଅଗ୍ନିପଥ ଓ ସଞ୍ଜୟ ଲୀଳା ଭନସାଲିଙ୍କ ହିମ ଦିଲ୍ ଦେ ଚୁକେ ସନମରେ ସେ ଅଭିନୟ କରିଥିଲେ ।

ସେ ବିଭିନ୍ନ ଟିଭି ସୋ’ରେ ବି ଅଭିନୟ କରି ଖ୍ୟାତି ଅର୍ଜନ କରିଥିଲେ । ଗତ କିଛିଦିନ ଧରି ଭେଣ୍ଟିଲେଟରରେ ରହି ଦୀନନାଥ ମଙ୍ଗସେଖର ହସ୍ପିଟାଲରେ ଚିକିତ୍ସିତ ହେଉଥିଲେ ବିକ୍ରମ । ବୈକୁଣ୍ଠ କ୍ରିମେଟୋରିୟମରେ ତାଙ୍କର ହେବ ଶେଷକୃତ୍ୟ । ସେ ୨୦୧୦ରେ ମରାଠୀ ଫିଲ୍ମ ଅଣୁମତିରେ ଶ୍ରେଷ୍ଠ ଅଭିନୟ ଲାଗି ପାଇଥିଲେ ଶ୍ରେଷ୍ଠ ଅଭିନେତା ପୁରସ୍କାର ।